സെല്‍ഫിപ്രേമികളെ ലക്ഷ്യമിട്ടുകൊണ്ടുള്ള ഷവോമിയുടെ ഏറ്റവും പുതിയ സ്മാര്‍ട്‌ഫോണ്‍ നവംബര്‍ രണ്ടിന് ഇന്ത്യയില്‍ വെച്ച് നടക്കുന്ന പരിപാടിയിൽ അവതരിപ്പിക്കുമെന്ന് റിപ്പോർട്ട്. ഇന്ത്യയില്‍ ഷവോമി ഫോണുകളുടെ പുതിയ പരമ്പരയ്ക്ക് തുടക്കം കുറിയ്ക്കുമെന്നും സൂചനയുണ്ട്. ഷവോമിയുടെ സ്വന്തം യൂസര്‍ ഇന്റര്‍ഫെയ്‌സ് ആയ ‘MIUI 9’ ന്റെ ഗ്ലോബല്‍ വേര്‍ഷന്‍ ഈ പരിപാടിയില്‍ പുറത്തിറക്കും. ജൂലായിൽ ചൈനയില്‍ എംഐ 5എക്‌സ് സ്മാര്‍ട്‌ഫോണിനൊപ്പമാണ് ഷവോമി ആദ്യമായി ‘MIUI 9’ അവതരിപ്പിച്ചത്.
ഇമേജ് സെര്‍ച്ച്, സ്മാര്‍ട് അസിസ്റ്റന്‍സ്, സ്മാര്‍ട് ആപ്പ് ലോഞ്ചര്‍ എന്നിവയാണ് MIUI 9 പ്രധാന സവിശേഷതകള്‍. കൂടാതെ ലോക്ക് സ്‌ക്രീന്‍ ഷോട്ട് കട്ടുകള്‍, സ്പ്ലിറ്റ് സ്‌ക്രീന്‍, ഫാസ്റ്റര്‍ ആപ്പ് ലോഡ് ടൈംസ്, സ്മാര്‍ട് ഫംഗ്ഷണാലിറ്റി തുടങ്ങിയവയും മറ്റ് പ്രത്യേകതകളാണ്. ഇതുകൂടാതെ ഒരു കൂട്ടം പുതിയ തീമുകളും ഷവോമി അവതരിപ്പിക്കുന്നുണ്ട്.
Post Your Comments