പത്തനംതിട്ട: കുളിമുറി ദൃശ്യങ്ങൾ പകർത്താൻ ശ്രമം യുവാവ് പിടിയിൽ. വീടിന്റെ കുളിമുറിയുടെ ചുവരില്‍ ദ്വാരം ഉണ്ടാക്കിയ ശേഷം ദൃശ്യങ്ങള്‍ പകര്‍ത്താന്‍ ശ്രമിച്ച മലയാലപ്പുഴ സ്വദേശി അനന്ദു(19)വിനെയാണ് നാട്ടുകാര്‍ പിടികൂടി പൊലീസില്‍ ഏല്‍പ്പിച്ചത്.
പരുത്യാനിക്കല്‍ സ്വദേശിയുടെ വീടിന്റെ കുളിമുറിയിൽ നിന്നുമാണ് ഇയാളെ പിടികൂടിയത്. കുളിമുറിയിലുണ്ടായിരുന്ന പെണ്‍കുട്ടിയുടെ നിലവിളികേട്ട് രക്ഷിതാക്കള്‍ ഇറങ്ങി നോക്കിയെങ്കിലും യുവാവിനെ പിടികൂടാൻ സാധിച്ചില്ല. ബഹളം കേട്ട് ഓടിയെത്തിയ നാട്ടുകാർ പിന്നീട് ഇയാളെ പിടികൂടുകയും പൊലീസിനു കൈമാറുകയുമായിരുന്നു. ഇയാളുടെ കൈവശമുണ്ടായിരുന്ന മൊബൈല്‍ ഫോൺ പിടിച്ചെടുത്തെന്നും ഫോണ്‍ വിശദമായ പരിശോധനയ്ക്കായി ലാബിലേക്ക് അയയ്ക്കുമെന്ന് പൊലീസ് അറിയിച്ചു.
Post Your Comments