റോത്തക്: അധ്യാപകനെ വിദ്യാര്‍ത്ഥി ക്ലാസ് മുറിയില്‍ വച്ച് ആക്രമിച്ചു. പന്ത്രണ്ടാം ക്ലാസ് വിദ്യാര്‍ത്ഥിയാണ് അധ്യാപകനെ കുത്തിയത്. പത്തിലധികം തവണയാണ് വിദ്യാര്‍ത്ഥി അധ്യാപകനെ കുത്തിയത്. മാര്‍ക്ക് കുറഞ്ഞതിന്റെ പേരില്‍ വഴക്കു പറഞ്ഞതു കൊണ്ടാണ് അധ്യാപകനെ വിദ്യാര്‍ത്ഥി ആക്രമിച്ചത്. ഹരിയാനയിലെ ബഹാദൂര്‍ഗഡിലെ ഹര്‍ദയാല്‍ പബ്ലിക് സ്‌കൂളിലാണ് സംഭവം നടന്നത്.
സംഭവം ക്ലാസിലെ സിസിടിവി ക്യാമറയില്‍ പതിഞ്ഞിട്ടുണ്ട്.സംഭവത്തില്‍ അധ്യാപകനു കഴുത്തിലും തലയിലും കുത്തേറ്റു . രവീന്ദര്‍ എന്ന അധ്യാപകനാണ് വിദ്യാര്‍ത്ഥിയുടെ ആക്രമണത്തില്‍ പരിക്കേറ്റത്. സംഭവത്തില്‍ രണ്ടു വിദ്യാര്‍ത്ഥികളെ പോലീസ് പിടികൂടി. അധ്യാപകനെ ആക്രമിച്ച വിദ്യാര്‍ത്ഥിയെ കൂടാതെ ആയുധം നല്‍കിയതിന്റെ പേരിലാണ് മറ്റൊരു വിദ്യാര്‍ത്ഥിയെ അറസ്റ്റ് ചെയ്തത്.
Post Your Comments