അഹമ്മദാബാദ്: ഗുജാറത്ത് മോഡല്‍ സമ്പൂര്‍ണ്ണ പരാജയമാണെന്നു വിമര്‍ശിച്ച് കോണ്‍ഗ്രസ് വൈസ് പ്രസിഡന്റ് രാഹുല്‍ ഗാന്ധി. ഖേദയില്‍ നടന്ന പൊതുയോഗത്തില്‍ പ്രസംഗിക്കുന്ന അവസരത്തിലാണ് കോണ്‍ഗ്രസ് വൈസ് പ്രസിഡന്റ് രാഹുല്‍ഗാന്ധി ബിജെപിയ്ക്കും പ്രധാനമന്ത്രി നരേന്ദ്രമോദിയ്ക്കും എതിരെ ആഞ്ഞടിച്ചത്.
എന്തു വികസനം ഗുജാറത്തില്‍ നടന്നതായിട്ടാണ് ബിജെപി അവകാശപ്പെടുന്നത്. ഗുജാറത്ത് മോഡല്‍ സമ്പൂര്‍ണ്ണ പരാജയമായിരുന്നു എന്നു രാഹുല്‍ ഗാന്ധി പറഞ്ഞു. ഇതിനെക്കുറിച്ച് നന്നായി ഗുജറാത്തിലെ ജനങ്ങള്‍ക്ക് അറിയാം. അടുത്ത തെരഞ്ഞെടുപ്പില്‍ കോണ്‍ഗ്രസ് വിജയിച്ചാല്‍ ഗുജാറത്തില്‍ ശരിയായ വികസനം ഉറപ്പു വരുത്തുമെന്നും രാഹുല്‍ ഗാന്ധി ഉറപ്പു നല്‍കി.
പ്രധാനമന്ത്രിയുടെ പ്രതിമാസ റേഡിയോ പരിപാടിയായ മന്‍ കി ബാത്തിനെയും രാഹുല്‍ രൂക്ഷമായി വിമര്‍ശിച്ചു. നരന്ദ്രേ മോദി പരിപാടിയില്‍ പറയുന്നത്
അദ്ദേഹത്തിന്റെ മനസിലുള്ള കാര്യങ്ങളാണ്. പക്ഷേ ഇതു ജനങ്ങളുടെ മനസിലുള്ള കാര്യങ്ങള്‍ അല്ലെന്നും രാഹുല്‍ കൂട്ടിച്ചേര്‍ത്തു
Post Your Comments