പുതിയ സ്മാര്‍ട്ട് ഫോണ്‍ പൊട്ടിപ്പൊളിയുന്നു, വില്‍പ്പന പ്രതിസന്ധിയില്‍. ലോക പ്രശസ്ത ബ്രാന്‍ഡായ ആപ്പിളിനാണ് ഈ പ്രശ്‌നം തലവേദന സൃഷ്ടിച്ചിരിക്കുന്നത്. ഐഫോണ്‍ 8 പ്ലസിനെതിരെ ഇതു സംബന്ധിച്ച നിരവധി പരാതികളാണ് ഉയര്‍ന്നു വന്നിരിക്കുന്നത്. ആപ്പിളിന്റെ ഏറ്റവും പുതിയ ഐഫോണ്‍ മോഡലില്‍ ഒന്നാണ് ഇത്.
ഈ മോഡലിന്റെ ബാറ്ററി ചൂടാകുന്നുണ്ട്. ഇതു കാരണം ബാറ്ററി വീര്‍ത്ത് ഫോണ്‍ പിളരുന്നുവെന്നാണ് പരാതികള്‍ ഉയര്‍ന്നു വന്നിരിക്കുന്നത്. തായ്വാനില്‍ നിന്നാണ് ആദ്യ പരാതി വന്നത്. ഫോണ്‍ ചാര്‍ജ് ചെയ്യാന്‍ വച്ച സ്ത്രീ കണ്ടത് ബാറ്ററി ചൂടായി വീര്‍ത്ത് ഫോണ്‍ പിളരുന്നതാണ്. പിന്നീട് പല സ്ഥലങ്ങളില്‍ നിന്നും സമാനമായ പരാതി ഉയര്‍ന്നു. ചൈന, കാനഡ, ഗ്രീസ് എന്നിവിടങ്ങളില്‍ നിന്നും ഇതു സംബന്ധിച്ച പരാതി വ്യാപകമായിട്ടുണ്ട്.
ഫോണ്‍ രണ്ടായി പിളരുന്ന ദൃശ്യങ്ങളും സാമൂഹിക മാധ്യമങ്ങളില്‍ പ്രചരിക്കുന്നുണ്ട്. നിരവധി ആളുകളാണ് ഐ ഫോണുകള്‍ ഉപയോഗിക്കുന്നത്. സംഭവത്തെ കുറിച്ച് ആപ്പിള്‍ അന്വേഷണം ആരംഭിച്ചിട്ടുണ്ട്.
Post Your Comments