അബുദാബി•അബുദാബിയില്‍ 8 ഇന്ത്യക്കാര്‍ ഉള്‍പ്പടെ 10 പ്രവാസികള്‍ക്ക് ഒരു മില്യണ്‍ ദിര്‍ഹം (1.77 കോടി രൂപ) വീതം സമ്മാനം. ഇന്ത്യക്കാരില്‍ മലയാളികളും ഉള്‍പ്പെട്ടിട്ടുണ്ട്. ഇന്ത്യക്കാര്‍ക്ക് പുറമേ ഒരു ഫിലിപ്പിനോയും ഒരു കനേഡിയന്‍ പൗരനുമാണ് വിജയികളായത്.
വ്യാഴാഴ്ചയാണ് ബിഗ്‌ 10 മില്യണയര്‍ സീരീസ് 184 ാം നറുക്കെടുപ്പ് വിജയികളെ പ്രഖ്യാപിച്ചത്. 10 വിജയികള്‍ക്ക് ഓരോ മില്യണ്‍ ദിര്‍ഹം വീതം വീട്ടില്‍ കൊണ്ടുപോകാം.
അടുത്ത റൗണ്ട്, സൂപ്പര്‍ 7 സീരീസ് 184 ാം നറുക്കെടുപ്പ്, വിജയികളെ നവംബര്‍ 5 ന് പ്രഖ്യാപിക്കും. ഇതിന്റെ ടിക്കറ്റുകള്‍ ഇപ്പോഴും ലഭ്യമാണ്.
അഭയകുമാര്‍ വെണ്ണാരത്തില്‍ കൃഷ്ണന്‍, മുത്തുകുമാര്‍ സഞ്ജീവി, സുന്ദരന്‍ നാലാംകണ്ടത്തില്‍, സമീത് തിജോര്‍, ചന്ദ്രേഷ് മോതിവാരസ്, കിഷോര്‍ കുമാര്‍ റെഡ്ഡി, അഫ്സര്‍ പാഷ ഷംസീര്‍ അലി, ഷറഫുദ്ദീന്‍ തരക്ക വീട്ടില്‍ സൈനുദ്ദീന്‍ എന്നിവരാണ്‌ വിജയികളായ ഇന്ത്യക്കാര്‍.
വിജയികളുടെ പട്ടിക കാണാം
Post Your Comments