ന്യൂഡല്‍ഹി: പുതിയ വിദ്യാഭ്യാസ നയം കേന്ദ്രം രൂപിക്കുന്നതിനു മുൻപേ സമാന്തര വിദ്യാഭ്യാസ കരിക്കുലം ആര്‍.എസ്.എസ് പുറത്തിറക്കുന്നു. ഭാരതീയ മൂല്യങ്ങളെയും ഉപനിഷത്തുകളെയും അടിസ്ഥാനമാക്കി തയാറാക്കിയ പാഠ്യപദ്ധതി അടങ്ങുന്ന പുസ്തകം ആര്‍.എസ്.എസ് സര്‍ സംഘചാലക് മോഹന്‍ ഭാഗവത്താണ് പുറത്തിറക്കുന്നത്.
അഹമ്മദാബാദ് ആസ്ഥാനമായി പ്രവര്‍ത്തിക്കുന്ന പുനരുദ്ധാന്‍ വിദ്യാപീഠ് ആണ് അഞ്ചു വാല്യങ്ങളുള്ള പാഠ്യപദ്ധതി തയാറാക്കിയത്. ഇന്ത്യന്‍ മൂല്യങ്ങളും വിദ്യാഭ്യാസ സമ്പ്രദായങ്ങളും അടിസ്ഥാനമാക്കിയാണ് പാഠ്യപദ്ധതി തയാറാക്കിയിരിക്കുന്നത്. ഉപനിഷത്തുകളില്‍ വിവരിക്കുന്നതു പോലെയും 18ാം നൂറ്റാണ്ടിലെയും വിദ്യാഭ്യാസ സമ്പ്രദായങ്ങളുമാണ് പാഠ്യപദ്ധതിയില്‍ ഉള്‍പ്പെടുത്തിയത്.
വേദ പഠനം, കുടുംബമൂല്യങ്ങള്‍, ധാര്‍മിക മൂല്യങ്ങള്‍ എന്നിവ അടങ്ങിയതാണ് ആർഎസ്എസ് പാഠ്യ പദ്ധതി.അഞ്ചു വയസുവരെ കുട്ടികളെ എങ്ങനെ വളര്‍ത്തണം എന്ന് രക്ഷിതാക്കള്‍ക്കുള്ള നിര്‍ദേശവും ഉണ്ട്. ബ്രിട്ടീഷുകാരുടെ ഭരണത്തോടെ അവസാനിച്ച ഭാരതീയ വിദ്യാഭ്യാസ മൂല്യങ്ങളെ തിരികെ കൊണ്ടുവരാനാണ് ശ്രമിക്കുന്നതെന്നതെന്ന് വിദ്യാപീഠ് ചാന്‍സലര്‍ ഇന്ദുമതി കത്താരെ പറഞ്ഞു. ഇത് കൂടാതെ അവസാന വാല്യത്തില്‍ ആഗോള വത്കരണവും ഭാരതീയ വിദ്യാഭ്യാസത്തിലുടെ ലോക പ്രശ്നങ്ങള്‍ പരിഹരിക്കാന്‍ എങ്ങനെ ഇന്ത്യക്ക് കഴിയുന്നുവെന്നും പ്രതിബാധിക്കുന്നുണ്ട്.
Post Your Comments