മക്ക: കഅ്ബക്ക് ചുറ്റും തീര്‍ഥാടക സാഗരം. മിനാ താഴ്വാരയോട് തീര്‍ഥാടകര്‍ കൂട്ടത്തോടെ യാത്ര ചൊല്ലിയതോടെയാണ് വിടവാങ്ങല്‍ ത്വവാഫിനെത്തിയവരെ കൊണ്ട് മക്കയും പരിസരവും നിറഞ്ഞത്. ഞായറാഴ്ച തന്നെ 20 ലക്ഷത്തോളം ഹാജിമാര്‍ മസ്ജിദുല്‍ ഹറാമില്‍ എത്തിയതായാണ് കണക്ക്. കൊടും വെയിലിലും ഹജ്ജിന്റെ അവസാന ദിവസമായ തിങ്കളാഴ്ച ഹറമിന് ചുറ്റും കവിഞ്ഞൊഴുകുകയാണ് തീര്‍ഥാടക ലക്ഷങ്ങള്‍.
മക്ക ഗവര്‍ണറും കേന്ദ്രഹജ്ജ് കമ്മിറ്റി അധ്യക്ഷനുമായ ഖാലിദ് അല്‍ ഫൈസല്‍ ഇരുപത്തിമൂന്നര ലക്ഷം തീര്‍ഥാടകര്‍ പങ്കെടുത്ത ഹജ്ജ് പൂര്‍ണ വിജയമായെന്ന് പറഞ്ഞു. അദ്ദേഹം മിനായില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു. തീര്‍ഥാടകരുടെ എണ്ണം ഇത്തവണ മുപ്പത് ശതമാനം വര്‍ധിച്ചിട്ടുണ്ടെന്ന് അദ്ദേഹം പറഞ്ഞു. ഇത് കണക്കിലെടുത്ത് മക്ക-മദീന സംയുക്ത പദ്ധതി നടപ്പിലാക്കും.
Post Your Comments