കാറപകടത്തില്‍ സീരിയല്‍ നടിയും നടനും മരിച്ചു. മഹാനദി എന്ന പ്രശസ്ത കന്നട സീരിയലിലെ അഭിനേതാക്കളായ രചനയും ജീവനും കാറപകടത്തില്‍ മരിച്ചത്. ജീവനായിരുന്നു വണ്ടിയോടിച്ചത്. എതിരെ വന്ന ട്രാക്ടറില്‍ ഇടിച്ചാണ് അപകടമുണ്ടായത്.
ഇന്ന് പുലര്‍ച്ചെ മാലുരിലെ സോലുരില്‍ വെച്ചാണ് അപകടമുണ്ടായത്. സീരിയലിലെ മറ്റൊരു സുഹൃത്തായ കാര്‍ത്തിക്കിന്റെ പിറന്നാളോടനുബന്ധിച്ച് കുക്കിയിലെ സുബ്രഹ്മണ്യ ക്ഷേത്രത്തില്‍ ദര്‍ശനം നടത്താന്‍ പോയതായിരുന്നു ഇരുവരും.
ഏഴ് പേരായിരുന്നു കാറില്‍ ഉണ്ടായിരുന്നത്. രഞ്ജിത്ത്, ഉത്തം, ഹൊന്നേഷ്, കാര്‍ത്തിക്, എറിക് എന്നിവരെ പരിക്കുകളോടെ സ്വകാര്യ ആശുപത്രിയില്‍ പ്രവേശിപ്പിച്ചു. എന്‍എച്ച് 48 കൂഡൂര്‍ പൊലീസ് കേസ് ഫൈല്‍ ചെയ്തിട്ടുണ്ട്. മഹാനദി, മധുബാല, ത്രിവേണി സംഗമ തുടങ്ങിയ സീരിയലുകളില്‍ അഭിനയിച്ച താരമാണ് രചന.
Post Your Comments