ന്യൂഡൽഹി: ലഡാക്കിലെ ചൈനീസ് കടന്നുകയറ്റം ഇന്ത്യന്‍ സൈന്യം പരാജയപ്പെടുത്തി. പാൻഗോംങ് തടാകത്തിനു തീരത്തുള്ള ഇന്ത്യൻ അതിർത്തിയിലാണ് ചൈനീസ് സേന നുഴഞ്ഞുകയറാൻ ശ്രമിച്ചത്. പരസ്പരം കല്ലേറ് നടന്നതായും സൈനികര്‍ക്ക് പരിക്കേറ്റതായും റിപ്പോര്‍ട്ടുണ്ട്. ഇന്നത്തെ ദിവസം മാത്രം രണ്ടു തവണ ചൈനീസ് പീപ്പിൾസ് ലിബറേഷൻ ആർമി നുഴഞ്ഞുകയറാൻ ശ്രമം നടത്തിയെന്ന്‍ സൈന്യം അറിയിച്ചു.
നിരന്തരമായി മേഖലയില്‍ ചൈനയുടെ കടന്നു കയറ്റം ഉണ്ടാകുന്ന സാഹചര്യത്തില്‍ കൂടുതല്‍ ജാഗ്രതയിലാണ് സൈന്യം. പ്രദേശത്ത് സൈന്യം പട്രോളിംഗും ശക്തമാക്കിയിട്ടുണ്ട്. ഡോക ലാ മേഖലയിൽ സംഘർഷം നിലനിൽക്കുന്നതിനിടെയാണ് ലഡാക്കിലും ചൈനീസ് കടന്നുകയറ്റ ശ്രമം ഉണ്ടായിരിക്കുന്നത്.
Post Your Comments