അഹമ്മദ് പട്ടേലിനു ജയം

ഗുജറാത്ത്: അഹമ്മദ് പട്ടേലിനു ഗുജറാത്ത് രാജ്യസഭ തെരെഞ്ഞടുപ്പില്‍ ജയം. ഏറെ രാഷ്ട്രീയ അനിശ്ചിതത്വത്തിനടുവിലാണ് അഹമ്മദ് പട്ടേല്‍ ജയിച്ചത്. 44 വോട്ട് നേടിയാണ് അഹമ്മദ് പട്ടേല്‍ രാജ്യസഭയിലേക്ക് വീണ്ടും തെരഞ്ഞെടുക്കപ്പെട്ടത്.കൂറുമാറിയ കോണ്‍ഗ്രസ് എംഎല്‍എമാരുടെ വോട്ട് ചട്ടലംഘനത്തെ തുടര്‍ന്ന് കോണ്‍ഗ്രസ് നല്‍കിയ പരാതിയിലാണ് നടപടിയുണ്ടായത്. അമിത് ഷാ, സ്മൃതി ഇറാനി എന്നിവരും തെരെഞ്ഞടുപ്പില്‍ ജയിച്ചു.

കൂറുമാറിയ കോണ്‍ഗ്രസ് എംഎല്‍എമാരായ രാഷവ്ജി പട്ടേല്‍, ഭോല ഗൊഗേഹല്‍ എന്നിവരുടെ വോട്ടാണ് അസാധുവായി പ്രഖ്യാപിച്ചത്. ഇരുവരും വോട്ട് രേഖപ്പെടുത്തിയ ശേഷം ബിജെപി ഏജന്റിനെ ബാലറ്റ് പേപ്പര്‍ ഉയര്‍ത്തി കാട്ടിയിരുന്നു. വിമതരുടെ വോട്ട് റദ്ദാക്കിയത് കൂറുമാറ്റം മൂലം വലഞ്ഞിരുന്ന കോണ്‍ഗ്രസിന് രാഷ്ട്രീയ നേട്ടമായി.