അറസ്റ്റ് ചെയ്യാനെത്തിയ പോലീസുകാരനെ യുവതി നടുറോഡില്‍ ചുംബിച്ചു

കൊല്‍ക്കത്ത: അറസ്റ്റ് ഒഴിവാക്കാന്‍ യുവതി ചെയ്തത് എല്ലാവരെയും അമ്പരിപ്പിച്ചു. നടുറോഡില്‍ പോലീസുകാരനെ ചുംബിക്കുകയായിരുന്നു.
വാഹനാപകടം ഉണ്ടാക്കിയ യുവതിയെയാണ് പോലീസ് പിടികൂടാനെത്തിയത്.

യുവതിയെ വാഹനത്തില്‍ നിന്ന് പുറത്തിറക്കി ചോദ്യം ചെയ്യുന്നതിനിടെയാണ് സംഭവം. കൊല്‍ക്കത്തയിലെ ബിദന്‍നഗര്‍ പോലീസ് സ്റ്റേഷനിലെ ഉദ്യോഗസ്ഥനോടാണ് 38കാരിയായ യുവതി ഇങ്ങനെ പെരുമാറിയത്. യുവതി മദ്യലഹരിയിലായിരുന്നുവെന്നാണ് പറയുന്നത്. അപകട സമയത്ത് യുവതിയുടെ കാറില്‍ ഒരു പുരുഷനും മറ്റൊരു സ്ത്രീയും ഉണ്ടായിരുന്നു.

യുവതിയുടെ കാര്‍ ആദ്യം ബൈപാസ് റോഡിലെ ഡിവൈഡറില്‍ തട്ടി. ഈ സമയം ഇവരെ രക്ഷിക്കാന്‍ ശ്രമിച്ച ടാക്‌സി ഡ്രൈവറെ ഇവര്‍ മര്‍ദ്ദിച്ചു. ഇതേതുടര്‍ന്നാണ് സ്ഥലത്ത് പോലീസ് എത്തുകയായിരുന്നു. ആളുകള്‍ നോക്കി നില്‍ക്കേ യുവതി പൊലീസ് ഉദ്യോഗസ്ഥനെ കെട്ടിപ്പിടിച്ച് ചുംബിക്കുകയായിരുന്നു.