കോഴവിവാദം; പാര്‍ട്ടി പുനക്രമീകരണം വേണമെന്ന് പിപി മുകുന്ദന്‍

തിരുവനന്തപുരം: മെഡിക്കല്‍ കോളേജ് കോഴ ആരോപണത്തിൽ പ്രതികരണവുമായി മുതിര്‍ന്ന ബിജെപി നേതാവ് പിപി മുകുന്ദന്‍. കോഴയാരോപണം ബി.ജെ.പിയുടെ പ്രതിഛായ്ക്ക് നഷ്ടപ്പെടുത്തിയെന്ന് അദ്ദേഹം പറഞ്ഞു. മാത്രമല്ല പാര്‍ട്ടി അന്വേഷണ റിപ്പോര്‍ട്ട് ചോര്‍ന്നത് അതീവ ഗുരുതരമാണെന്നും അദ്ദേഹം ചൂണ്ടികാട്ടി.

റിപ്പോര്‍ട്ട് ചോര്‍ന്നതിലൂടെ ബിജെപിയില്‍ സംഭവിക്കാന്‍ പാടില്ലാത്തതാണ് ഉണ്ടായത്. ഇതിനെക്കുറിച്ച്‌ കേന്ദ്രനേതൃത്വം അന്വേഷിക്കുമെന്നും പി.പി.മുകുന്ദന്‍ പറഞ്ഞു. വരാന്‍ പോകുന്ന ലോകസഭ തെരഞ്ഞെടുപ്പിനെ ഇത്തരം പ്രശ്നങ്ങള്‍ ബാധിക്കുവാന്‍ സാധ്യതയുണ്ടെന്നും അതുകൊണ്ട് ഉചിതമായ തീരുമാനമുണ്ടകുമെന്നാണ് പ്രതീക്ഷിക്കുന്നതെന്നും മുകുന്ദന്‍ വ്യക്തമാക്കി. ഈ സാഹചര്യത്തില്‍ പാര്‍ട്ടി പുനക്രമീകരണം വേണമെന്നും അധ്യക്ഷ സ്ഥാനം മാറ്റണോ എന്നുള്ളത് കേന്ദ്രം തീരുമാനിക്കുമെന്നും അദ്ദേഹം വ്യക്തമാക്കി.