‘അമ്മ’ ഹോട്ടൽ മാതൃകയിൽ കേരളത്തിലും കുറഞ്ഞ നിരക്കിൽ ഭക്ഷണം നൽകാനുള്ള പദ്ധതി വരുന്നു

തിരുവനന്തപുരം: തമിഴകത്തെ ‘അമ്മ’ ഹോട്ടൽ മാതൃകയിൽ കുറഞ്ഞ നിരക്കില്‍ ഭക്ഷണവുമായി കേരളത്തിൽ സർക്കാർ മേൽനോട്ടത്തിൽ ഹോട്ടലുകൾ ആരംഭിക്കുന്നു. എറണാകുളം, കോട്ടയം ജില്ലകളിൽ ആദ്യഘട്ടമായി ഈ പദ്ധതി നടപ്പിലാക്കും. പിന്നീട് മറ്റുജില്ലകളിലേക്കും വ്യാപിപ്പിക്കും.

ഭക്ഷ്യം, കൃഷി, ക്ഷീരവികസനം തുടങ്ങിയ വകുപ്പുകളുടെയും സന്നദ്ധ സംഘടനകള്‍, സ്വയംസഹായസംഘങ്ങള്‍ തുടങ്ങിയവയുടെ പിന്തുണയോടെ പദ്ധതി നടപ്പിലാക്കും.ഭക്ഷണത്തിന് നിവൃത്തിയില്ലാത്തവര്‍ക്ക് കൂപ്പണുകളും വിതരണം ചെയ്യും. സ്വയം പാചകംചെയ്യാന്‍ ആരോഗ്യമില്ലാതെ ഒറ്റപ്പെട്ടുകഴിയുന്ന വൃദ്ധജനങ്ങളെയും വിതരണശൃംഖലയില്‍ ഉള്‍പ്പെടുത്തും.