സംഗീതസംവിധായകൻ ഗോപി സുന്ദർ തന്റെ പാട്ടുകളുടെ പേരിൽ പ്രശംസകളോടൊപ്പം തന്നെ വിമർശനങ്ങളും നേരിടാറുണ്ട്. ഫേസ്ബുക്കിൽ ഉയരുന്ന വിമർശനങ്ങൾക്ക് അതേ നാണയത്തിൽ തന്നെ മറുപടിയും ഗോപിസുന്ദർ കൊടുക്കാറുണ്ട്. എന്നാല്‍, ഏറ്റവും പുതിയ പോസ്റ്റില്‍ സംഭവിച്ചത് മറ്റൊന്നായിരുന്നു. ഞാന്‍ ജോലി ചെയ്യുന്നു പട്ടികള്‍ കുരയ്ക്കാന്‍ തയ്യാറായിക്കൊള്ളൂ. ഇതൊരു തമാശയാണെ… എല്ലാവരും ഇതിനെ സ്പോര്‍ട്സ്മാന്‍ സ്പിരിറ്റോടെ എടുക്കണേ എന്ന് റെക്കോഡിങ് സ്റ്റുഡിയോയില്‍ നിന്നെടുത്ത ചിത്രത്തിനൊപ്പം ഗോപി സുന്ദർ പോസ്റ്റ് ചെയ്യുകയുണ്ടായി.
ഇതിന് താഴെ ലോയല്‍ സ്റ്റീഫന്‍ എന്ന ഐഡിയില്‍ നിന്ന് ഒരു കിടിലന്‍ കമന്റ് വരികയുണ്ടായി. പട്ടികള്‍ കള്ളന്മാരെ കണ്ടാല്‍ മാത്രമേ കുരയ്ക്കൂ. അവര്‍ ജോലി നിര്‍ത്തുമെന്ന് അതിന് അര്‍ഥമില്ല. വെറുതെ കളി പറഞ്ഞതാണേ എന്നായിരുന്നു. ഈ കമന്റ് രണ്ടായിരത്തിലേറെ പേരാണ് ലൈക്ക് ചെയ്തത്.എന്തായാലും ഈ പോസ്റ്റും അതിന് താഴെയുള്ള കമന്റും ഇപ്പോൾ സോഷ്യൽ മീഡിയയിൽ സംസാരവിഷയമായിരിക്കുകയാണ്.
Post Your Comments