ന്യൂഡല്‍ഹി : കെപിസിസി അധ്യക്ഷനായി എം.എം.ഹസന്‍ തുടരുമെന്ന് ഹൈക്കമാന്ഡ്. ഹസനെ അധ്യക്ഷനായി നിലനിര്‍ത്തുന്നതിനുള്ള ഹൈക്കമാന്ഡ് നിര്‍ദേശത്തിന് പാര്‍ട്ടിയില്‍ വലിയ എതിര്‍പ്പുയര്‍ന്നില്ലെന്നാണു സൂചന. എ ഗ്രൂപ്പ് നേതാക്കളും ഐഗ്രൂപ്പിലെ ഏതാനും നേതാക്കളും നീക്കത്തെ പിന്തുണച്ചു. ഡിസിസി പ്രസിഡന്‍റുമാരും ഹസനു പിന്തുണ നല്‍കി. മുതിര്‍ന്ന നേതാവ് എ.കെ.ആന്‍റണിയും ഹസനെ പിന്തുണച്ചു.
അടിക്കടി കെപിസിസി പ്രസിഡന്‍റിനെ മാറ്റുന്നത് പാര്‍ട്ടിക്കു ഗുണം ചെയ്യില്ലെന്ന ആന്‍റണിയുടെ നിര്‍ദേശവും പാര്‍ട്ടി സംഘടനാ തെരഞ്ഞെടുപ്പ് അടുത്തുവരുന്നതും കണക്കിലെടുത്ത് ഹസനെ അധ്യക്ഷ സ്ഥാനത്തു നിലനിര്‍ത്താന്‍ ഹൈക്കമാന്ഡ് തീരുമാനിക്കുകയായിരുന്നു.
സംഘടനാ തെരഞ്ഞെടുപ്പ് വരെ ഹസനെ അധ്യക്ഷനാക്കി നിലനിര്‍ത്താനാണ് നേതൃത്വത്തിന്‍റെ തീരുമാനമെന്ന് കേരളത്തിന്റെ ചുമതലയുള്ള ഹൈക്കമാന്ഡ് പ്രതിനിധി മുകുള്‍ വാസ്നിക് വ്യക്തമാക്കി. വി.എം.സുധീരനു പകരക്കാരനായാണ് ഹസന്‍ അധ്യക്ഷ സ്ഥാനത്തേക്ക് താത്കാലിക ചുമതലയില്‍ എത്തുന്നത്.
Post Your Comments