രാമക്ഷേത്ര നിർമ്മാണത്തിന് ശിലകളുമായ് മുസ്ളീം സംഘടന അയോദ്ധ്യയിൽ

ലക്‌നൗ: രാമക്ഷേത്ര നിർമ്മാണത്തിന് ട്രക്ക് നിറയെ ശിലകളും വഹിച്ചു കൊണ്ട് മുസ്ളീം സംഘടനാ പ്രവർത്തകർ അയോദ്ധ്യയിലെത്തി. മുസ്ളീം കർസേവക് മഞ്ച് പ്രവർത്തകരാണ് രാമ ക്ഷേത്രം എത്രയും വേഗം നിർമ്മിക്കണമെന്ന ആവശ്യവുമായി ലോറിയിൽ നിറയെ ക്ഷേത്ര ശിലകളും വഹിച്ച് എത്തിയത്.

മുൻപ് ക്ഷേത്ര നിർമ്മാണം ഉടൻ വേണമെന്നാവശ്യപ്പെട്ട് രാമക്ഷേത്രത്തിന് പിന്തുണയുമായി മുസ്ലിം കർസേവക് സംഘ് എന്ന സംഘടനയും രംഗത്തെത്തിയിരുന്നു.ഇതേ ആവശ്യം ഉന്നയിച്ച് ഇവർ ലക്‌നൗവിലും ഫൈസാബാദിലും കൂറ്റൻ ഫ്ലെക്സുകളും ഉയർത്തിയിരുന്നു.ഒപ്പം യുപിയിലെ മുസ്ളീം മഹിളാ അസോസിയേഷനും ഇതേ ആവശ്യം ഉന്നയിച്ച് രംഗത്തെത്തി.