കൊച്ചി: പ്രമുഖ കോണ്‍ഗ്രസ് നേതാവ് ബെന്നി ബെഹന്നാനെ കാസര്‍ഗോഡ് ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ്സ് മജിസ്ട്രേറ്റ് കോടതി പിടികിട്ടാപ്പുള്ളിയായി പ്രഖ്യാപിച്ചു. കോണ്‍ഗ്രസ് മുഖപത്രമായ വീക്ഷണം ദിനപത്രത്തില്‍ തനിക്കെതിരെ അപകീര്‍ത്തികരമായ വാര്‍ത്ത വന്നെന്നു കാട്ടി തൃക്കരിപ്പൂര്‍ സ്വദേശി മുണ്ട്യയില്‍ ഗോപാലന്‍ നൽകിയ പരാതിയിന്മേൽ പത്രത്തിന്റെ മാനേജിങ് ഡയറക്ടറായ ബെന്നി ബഹന്നാന് കോടതി സമൻസ് അയച്ചിരുന്നു. എന്നാൽ കേസുമായി ബന്ധപ്പെട്ട് നിരന്തരം സമന്‍സ് അയച്ചിട്ടും ഹാജരാകാത്തതിനാലാണ് കോടതിയുടെ നടപടി.
പ്രദേശത്തെ കാവില്‍ നിന്നും ഭണ്ഡാരം തകര്‍ത്ത മുണ്ട്യയില്‍ ഗോപാലനെ നാട്ടുകാര്‍ പിടികൂടി ബന്ധനസ്ഥനാക്കി എന്ന രീതിയിൽ വീക്ഷണം വാർത്ത നൽകിയതിനെ തുടർന്നാണ് ഗോപാലൻ പരാതി നൽകിയത്. ആരും ഇത്തരത്തില്‍ പിടിച്ചുകെട്ടിയിട്ടില്ലെന്നും മാനഹാനിയുണ്ടാക്കുന്ന തരത്തില്‍ വാര്‍ത്ത നല്‍കിയ പത്രസ്ഥാപനത്തില്‍ നിന്നും നഷ്ടപരിഹാരം ഈടാക്കിത്തരണമെന്നും കാട്ടിയാണ് പരാതി നൽകിയത്.
Post Your Comments