മനുഷ്യനെ പറ്റിച്ച പട്ടി; അഭിനയം കണ്ടാല്‍ ഓസ്‌കാര്‍ കൊടുത്തു പോകും, കാരണം?

നടു റോഡില്‍ പട്ടിയുടെ അഭിനയം കണ്ട് യുവാവ് ഞെട്ടിപ്പോയി. ഈ പട്ടിക്ക് ഓസ്‌കാര്‍ കൊടുത്തുക്കൂടെ എന്ന് തോന്നിപ്പോകും. സോഷ്യല്‍ മീഡിയയില്‍ തെരുവ് നായ താരമായിരിക്കുകയാണ്. വാഹനയാത്രക്കാരെ പലപ്പോഴും തെരുവ് നായ്ക്കള്‍ ബുദ്ധിമുട്ടിക്കാറുണ്ട്. ഇത്തവണ ഒരാളെ തെരുവ് നായ ശരിക്കും പറ്റിച്ചു .

വഴിയില്‍നിന്നു രക്ഷിക്കാന്‍ മുന്നിട്ടിറങ്ങിയ ഒരു നല്ല മനുഷ്യനാണ് പണികിട്ടിയത്. ചൈനയിലാണ് സംഭവം നടന്നത്. വഴിയില്‍ ഒരു പട്ടി ദയനീയമായി ഇഴയുന്ന ദൃശ്യത്തിലൂടെയാണ് വീഡിയോ ആരംഭിക്കുന്നത്. പിന്നിലെ രണ്ടു കാലും അതിന് അനക്കാനാവുന്നില്ല. പിന്നിലെ കാലുകളില്‍ വണ്ടി തട്ടിയോ മറ്റോ അപകടം ഉണ്ടായിക്കാണണം എന്ന് കാഴ്ച്ചക്കാരില്‍ തോന്നലുണ്ടാവും. പട്ടിയുടെ ഈ ദയനീയാവസസ്ഥ കണ്ട് ട്രാഫിക് സ്തംഭിക്കുന്നു. ഒരു നല്ല മനുഷ്യന്‍ അതിനെ വാഹനങ്ങളില്‍നിന്നു രക്ഷിക്കാന്‍ ഇറങ്ങി വരുമ്പോഴാണ് ട്വിസ്റ്റ്.

ഒന്നും സംഭവിച്ചിട്ടില്ലെന്ന ഭാവത്തില്‍ പിന്നിലെ രണ്ടുകാലും നിലത്തുകുത്തി പട്ടി ചാടിയെഴുന്നേറ്റ് നടന്നു. പട്ടിയുടെ ഈ അഭിനയം സോഷ്യല്‍ മീഡിയയില്‍ വൈറലായിരിക്കുകയാണ്.