അഭയാർഥി ബോട്ട് മുങ്ങി : നിരവധി പേർ മരിച്ചതായി സൂചന

ട്രിപ്പോളി : ലിബിയയിലെ മെഡിറ്ററേനിയൻ കടൽത്തീരത്ത് അഭയാർഥി ബോട്ട് മുങ്ങി 100 ലധികം പേർ മരിച്ചതായി സൂചന. ലിബിയൻ തീരത്ത് നിന്നും ഇറ്റലിയിലേക്കു പോകുന്ന വഴിയായിരുന്നു അപകടം . 8 മൃതദേഹങ്ങൾ കണ്ടെടുത്തതായും,നാലു പേരെ രക്ഷപ്പെടുത്തി കരയിലെത്തിച്ചതായും ഇറ്റാലിയൻ കോസ്റ്റ്ഗാർഡ് അറിയിച്ചു.

90 പേരെ ഇനിയും കണ്ടെത്താനുണ്ടെന്നാണ് രക്ഷപ്പെട്ടവർ പറയുന്നത്. രാത്രിയായത് രക്ഷാപ്രവർത്തനത്തെ ബുദ്ധിമുട്ടിലാക്കുന്നു. കാണാതായവർക്കായി നിരവധി കപ്പലുകളും ഹെലിക്കോപ്റ്ററുകളുമാണ്  തെരച്ചിൽ നടത്തുന്നത്.