കോഴിക്കോട്: പ്രധാനമന്ത്രി നരേന്ദ്രമോദിയെ കമൽ നരാധമന്‍ എന്ന് വിളിച്ചത് ശരിയായില്ലെന്ന് സംഗീത സംവിധായകനും കവിയും ഗായകനുമായ കൈതപ്രം ദാമോദരന്‍ നമ്പൂതിരി. 30 വര്‍ഷമായി തനിക്ക് അറിയാവുന്ന വ്യക്തിയാണ് സംവിധായകന്‍ കമൽ.കമലിനെ വിവാദത്തിലാക്കിയ പ്രശ്‌നങ്ങളുടെ തുടക്കവും ഇതാണെന്ന് കൈതപ്രം പറഞ്ഞു. കോഴിക്കോട് ഡിസിസി സംഘടിപ്പിച്ച തമസോമ ജ്യോതിര്‍ഗമയ സാംസ്‌കാരിക പ്രതിരോധ സംഗമത്തില്‍ പ്രസംഗിക്കുകയായിരുന്നു അദ്ദേഹം.
കമലിനെപ്പോലുള്ളൊരാൾ അങ്ങനെ പറയാന്‍ പാടില്ലായിരുന്നു. പരാമര്‍ശം പിന്‍വലിക്കണമെന്ന് കമലിനോട് തനിക്ക് ആവശ്യപ്പെടാനാകില്ല. കാരണം അത് കമലിന്റെ ഇഷ്ടമാണ്. പക്ഷെ ആ പരാമര്‍ശം പിന്‍വലിച്ചാല്‍ തീര്‍ച്ചയായും ഈ പ്രശ്‌നങ്ങള്‍ അവസാനിക്കുമെന്നാണ് തന്റെ കണക്കുകൂട്ടലെന്നും കൈതപ്രം അഭിപ്രായപ്പെട്ടു.
Post Your Comments