ബീജിങ്: മൊബൈല്‍ ഫോണ്‍ മോഷ്ടിച്ച് കടന്നു കളയാൻ ശ്രമിച്ച മോഷ്ടാവിനെ ട്രക്ക് ഡ്രൈവര്‍ പിടികൂടിയത് സിനിമയെ വെല്ലുന്ന സംഘട്ടനരംഗങ്ങളിലൂടെ .ചൈനയിലെ ഗ്യാംഗ്‌ദോംങ് പ്രവിശ്യയിലാണ് സംഭവം നടന്നത്.റോഡിന് അരികിലായി വണ്ടി നിര്‍ത്തി പുറത്തു പോയതായിരുന്നു ട്രക്ക് ഡ്രൈവര്‍. വണ്ടിക്ക് അരികിലെത്തിയ മോഷ്ടാവ് സീറ്റില്‍ ഉണ്ടായിരുന്ന ഫോണ്‍ എടുത്ത് ബൈക്കിൽ രക്ഷപ്പെടുകയായിരുന്നു .എന്നാൽ ബൈക്ക് യു ടേണ്‍ എടുത്ത് തിരികെ വരവെ ട്രക്ക് ഡ്രൈവര്‍ ചാടി വീഴുകയായിരുന്നു. സിനിമാ സംഘട്ടനങ്ങളെ പോലും വെല്ലുന്ന രീതിയിലാണ് ട്രക്ക് ഡ്രൈവര്‍ മോഷ്ടാവിനെ കീഴടക്കിയത്.
വേഗത്തില്‍ ബൈക്ക് ഓടിച്ചു വന്ന മോഷ്ടാവിന്റെ ദേഹത്തേക്ക് ഇയാള്‍ ചാടി വീഴുകയായിരുന്നു.ബൈക്കുമായി റോഡില്‍ വീണു കിടന്ന മോഷ്ടാവില്‍ നിന്നും തുടര്‍ന്ന് തന്റെ ഫോണ്‍ പിടിച്ചു വാങ്ങുകയായിരുന്നു. സംഭവത്തിന്റെ ദൃശ്യങ്ങള്‍ ഇതിനോടകം തന്നെ സോഷ്യൽ മീഡിയയിൽ പ്രചരിച്ചിരിക്കുകയാണ്.
Post Your Comments