കൊല്ലം: ആഡംബരബൈക്കിൽ സഞ്ചരിച്ച് കഞ്ചാവ് വിതരണം നടത്തുന്ന യുവാവ് അറസ്റ്റിൽ. നീണ്ടകര ദളവാപുരം റോയ് ഭവനിൽ റോയ് തോമസാണ് നീണ്ടകര തുറമുഖത്ത് നിന്നും 55 ഗ്രാം കഞ്ചാവുമായി പിടിയിലായത്. ആരുടേയും ശ്രദ്ധയിൽപെടാതിരിക്കാനായി അമിതവേഗത്തിൽ ബൈക്ക് ഓടിക്കുകയാണ് ഇയാളുടെ പതിവ്. രണ്ടരലക്ഷം രൂപ വിലവരുന്ന ബൈക്കും പിടികൂടിയിട്ടുണ്ട്. ബിരുദാനന്തര ബിരുദമുള്ള ഇയാൾ വിവിധ സ്വകാര്യസ്ഥാപനങ്ങളിൽ അധ്യാപകനായി ജോലി ചെയ്യുന്നുണ്ടായിരുന്നു. സ്വഭാവദൂഷ്യത്തെ തുടർന്ന് ഇവിടെ നിന്നെല്ലാം പുറത്താക്കിയതായി എക്‌സൈസ് പറഞ്ഞു.
പ്രായപൂർത്തിയാകാത്ത കുട്ടികളുൾപ്പെടെ ഹാർബർ കേന്ദ്രീകരിച്ച് കഞ്ചാവ് ഉപയോഗിക്കുന്നതായി എക്‌സൈസ് കമ്മീഷണർക്ക് ലഭിച്ച പരാതിയെ തുടർന്ന് ഹാർബറും പരിസരവും ഷാഡോ സംഘം നിരീക്ഷിച്ച് വരികയായിരുന്നു. കഞ്ചാവ് കടത്തിന് പുറമെ കുമളി ചെക്ക് പോസ്റ്റിലും ഇയാൾക്കെതിരെ കേസുണ്ട്.
Post Your Comments