ഡൽഹി: വായ്പ തിരിച്ചടയ്ക്കാതെ വിദേശത്ത് കഴിയുന്ന മദ്യരാജാവ് വിജയ് മല്ല്യയുടെ ട്വിറ്റര്‍ അക്കൗണ്ട് ഹാക്ക് ചെയ്തു. കഴിഞ്ഞ ദിവസം കോണ്‍ഗ്രസ് വൈസ് പ്രസിഡന്റ് രാഹുല്‍ ഗാന്ധിയുടെ അക്കൗണ്ട് ഹാക്ക് ചെയ്ത സംഘം തന്നെയാണ് വിജയ് മല്ല്യയുടെ അക്കൗണ്ടും ഹാക്ക് ചെയ്തത് എന്നാണ് പ്രാഥമിക റിപ്പോർട്ട്.
ലീജണ്‍ തങ്ങള്‍ തിരിച്ചെത്തിയെന്ന് അറിയിച്ച് കൊണ്ടാണ് വിജയ് മല്ല്യയുടെ അക്കൗണ്ടില്‍ നിന്നും ആദ്യ സന്ദേശം അയച്ചത്. വിജയ് മല്ല്യയുടെ ബാങ്കുകളിലുള്ള സ്വത്തുവിവരങ്ങളെ കുറിച്ചും, വിവിധ അക്കൗണ്ടുകളുടെ പാസ് വേര്‍ഡ് വിവരങ്ങളും തങ്ങള്‍ക്ക് അറിയാമെന്ന് വ്യക്തമാക്കി കൊണ്ട് ലീജണ്‍ സംഘം ട്വീറ്റുകള്‍ നല്‍കിയിരുന്നു.
പക്ഷെ മല്ല്യയുടെ ബാങ്ക് അക്കൗണ്ട് വിവരങ്ങള്‍ ഉള്‍പ്പെടുത്തി നല്‍കിയ ട്വീറ്റ് നിമിഷങ്ങള്‍ക്കകം തന്നെ അപ്രത്യക്ഷമായി. രാജ്യത്തെ കുറ്റവാളികളുടെ വിവരങ്ങള്‍ തങ്ങള്‍ പുറത്ത് കൊണ്ട് വരുമെന്ന് സൂചിപ്പിച്ച ലീജണ്‍ സംഘം പൊതു ജനത്തിന്റെ പിന്തുണയും ട്വീറ്റില്‍ തേടി.
തന്റെ അക്കൗണ്ട് ഹാക്ക് ചെയ്യപ്പെട്ടെന്നും തന്റെ പേരില്‍ അജ്ഞാതന്‍ ട്വീറ്റ് ചെയ്ത് കൊണ്ടിരിക്കുകയാണെന്നും വിജയ് മല്ല്യ ട്വീറ്റിലൂടെ അറിയിച്ചു. അക്കൗണ്ട് ചെയ്ത ലീജണ്‍ എന്ന സംഘം തന്നെ ബ്ലാക്ക്‌മെയില്‍ ചെയ്യുകയാണെന്നും വിജയ് മല്ല്യ ട്വിറ്ററില്‍ കുറിച്ചു.
Post Your Comments