പണത്തിനുവേണ്ടി ജനങ്ങള്‍ നെട്ടോട്ടമോടുമ്പോള്‍ എട്ട്‌ലക്ഷത്തിന്റെ 2000 രൂപ നോട്ടുകളുമായി വ്യാപാരി

ആലുവ: സംസ്ഥാനത്ത് പണത്തിന് വേണ്ടി ജനങ്ങള്‍ നെട്ടോട്ടമോടുമ്പോള്‍ എട്ട് ലക്ഷത്തിന്റെ പുതിയ 2000 നോട്ടുകളുമായി മൊത്തവ്യാപാരി പൊലീസിന്റെ പിടിയിലവായി.. ആലുവയിലെ ഒരു പുകയില മൊത്തവ്യാപാര കേന്ദ്രത്തില്‍ നിന്നാണ് പണം പിടികൂടിയത്. ആദായനികുതി വകുപ്പിന്റെ ഇന്‍വെസ്റ്റിഗേഷന്‍ വിഭാഗം നടത്തിയ തിരച്ചിലിലാണ് നോട്ടുകള്‍ കണ്ടെടുത്തത്. എന്നാല്‍ പണത്തിന്റെ ഉറവിടം എവിടെനിന്നാണെന്ന്് ഇയാള്‍ വ്യക്തമാക്കിയിട്ടില്ല.

കൂടാതെ നിരോധിച്ച 1000,500 നോട്ടുകളും ഇവിടെ നിന്ന് കണ്ടെത്തിയിട്ടുണ്ട്. നിരോധിച്ച 22 ലക്ഷത്തോളം രൂപയാണ് ഇവിടെ നിന്ന് പിടികൂടിയത്. കൂടുതല്‍ വിവരത്തിനായി പൊലീസ് ഇയാളെ ചോദ്യം ചെയ്ത് വരികയാണ്.