ന്യൂഡൽഹി: തിരക്കില്ലാത്ത സീസണുകളില്‍ ശതാബ്ദി, രാജധാനി, തുരന്തോ തീവണ്ടികളിൽ അടിസ്ഥാന നിരക്കില്‍ ഇളവ് വരുത്തി ടിക്കറ്റ് റിസര്‍വേഷന്‍ അനുവദിക്കാൻ റെയിൽവേയുടെ നീക്കം. ബര്‍ത്തുകള്‍ കാലിയായി വണ്ടി ഓടാതിരിക്കാനാണ് ഈ നീക്കം.
തിരക്കനുസരിച്ച് നിരക്ക് വര്‍ധിപ്പിക്കാന്‍ തീരുമാനിച്ചിരുന്നെങ്കിലും ദീര്‍ഘദൂര യാത്രക്കാര്‍ വിമാനത്തേയും ഹ്രസ്വദൂരയാത്രക്കാര്‍ ബസിനെയും ആശ്രയിക്കാൻ തുടങ്ങിയതോടെയാണ് അടിസ്ഥാന നിരക്കില്‍ ഇളവ് വരുത്താൻ തീരുമാനിച്ചത്. യാത്രയ്ക്ക് ഒന്നോ രണ്ടോ ദിവസം മുമ്പ് വരെ റിസര്‍വേഷന്‍ പൂര്‍ണമായിട്ടില്ലെങ്കിലാണ് നിരക്കിളവ് ലഭ്യമാകുക.
Post Your Comments