ഉമ്മൻചാണ്ടിക്കെതിരെ ക്രൈംബ്രാഞ്ച് അന്വേഷണം

മുഖ്യമന്ത്രി പിണറായി വിജയനു നൽകിയ പരാതിയിലാണു ക്രൈം ബ്രാഞ്ച് അന്വേഷണത്തിന് ഉത്തരവിട്ടത്. സോളാർ‍ കേസുമായി ബന്ധപ്പെട്ടു റജിസ്റ്റർ ചെയ്തിട്ടുള്ള മറ്റു കേസുകളും ഇതോടൊപ്പം ക്രൈംബ്രാഞ്ചിനു കൈമാറി.

ഈഞ്ചയ്ക്കലിലെ ക്രൈംബ്രാഞ്ചിന്റെ ഓഫിസിലെത്തിയാണു സരിത മൊഴി നൽകിയത്. നേരത്തെ പറഞ്ഞ ആരോപണങ്ങളിൽ ഉറച്ചു നിൽക്കുകയാണെന്നും തെളിവുകൾ വേണമെങ്കിൽ പിന്നീടു കൈമാറുമെന്നും സരിത മാധ്യമങ്ങളോട് പറഞ്ഞു. സരിതയിൽനിന്നു വീണ്ടും മൊഴിയെടുക്കാൻ അന്വേഷണ സംഘം തീരുമാനിച്ചിട്ടുണ്ട്. തെളിവുകൾ ലഭിക്കുന്ന പക്ഷം മുൻ മന്ത്രിമാരുടേതടക്കമുള്ള മൊഴികൾ രേഖപ്പെടുത്തും.