കാത്തിരിപ്പിനൊടുവില്‍ ഗൂഗിള്‍ ഫോണുകള്‍ വിപണിയില്‍

സാൻഫ്രാൻസിസ്കോ:പിക്സൽ സ്മാർട്ട് ഫോണുകളുമായി ഗൂഗിൾ രംഗത്ത്.പിക്സൽ ,പിക്സൽ എക്സ് എൽ എന്നിങ്ങനെ രണ്ട് മോഡലുകളാണ് ഗൂഗിൾ പുറത്തിറക്കിയിരിക്കുന്നത്.ഇന്ത്യയിൽ 57000 രൂപ മുതലായിരിക്കും പിക്സൽ സ്മാർട്ട് ഫോണിന്റെ വില.

സ്മാർട്ട് ഫോൺ വിപണിയിൽ ആപ്പിളിനോട് മത്സരിക്കാൻ ലക്ഷ്യമിട്ടാണ് ഗൂഗിൾ പുതിയ മോഡലുകളുമായി രംഗത്തെത്തിയിരിക്കുന്നത്.ഇതോടെ രണ്ടായിരത്തി പത്തിൽ പുറത്തിറക്കിയ നെക്സസ് ഫോണുകൾ വിപണിയിൽ നിന്ന്പിൻവലിച്ചേക്കാനാണ് സാധ്യത.ഈ മാസം പതിമൂന്ന് മുതൽ പിക്സൽ സ്മാർട്ട് ഫോണുകളുടെ ബുക്കിങ് ആരംഭിക്കുമെന്ന് അറിയിച്ചിട്ടുണ്ട്.ഒക്ടോബർ അവസാനം മുതൽ ഫോണുകൾ ലഭ്യമായി തുടങ്ങും.ഏറ്റവും പുതിയ ആൻഡ്രോയിഡ് 7.1 നൗഗാറ്റ്‌ ഒ എക്‌സാണ് പിക്സലിന്റെ പ്രത്യേകത.