ജലന്ധർ:പഞ്ചാബിൽ നിന്നും ജമ്മുവിലേക്ക് പോവുകയായിരുന്ന ഝലംഎക്സ്പ്രസ് ട്രെയിന്‍ പാളം തെറ്റി.പുലർച്ചെയാണ് അപകടം നടന്നത്.അപകടത്തില്‍ ഒരു സ്ത്രീയും കുട്ടിയുമടക്കം മൂന്നു പേര്‍ക്ക് പരിക്കേറ്റു.
10 ബോഗികളാണ് പുലര്‍ച്ചെ മൂന്നു മണിയോടെ അപകടത്തില്‍പ്പെട്ടത്. പഞ്ചാബിലെ ലുധിയാനയ്ക്ക് സമീപം ഫില്ലൂരിലാണ് അപകടം. പരിക്കേറ്റവരെ ലുധിയാന സിവില്‍ ആസ്പത്രയിൽ പ്രവേശിപ്പിച്ചിരിക്കുകയാണ്.ബി5, എസ്1, പിസി, എസ് 2, എസ് 4, എസ് 5, എസ് 6, എസ് 7, എസ് 8 എന്നീ ബോഗികളാണ് പാളം തെറ്റിയത്. 24 ബോഗികളാണ് ട്രെയിനുള്ളത്.അപകടത്തെത്തുടര്‍ന്ന് ലുധിയാന-ജലന്ധര്‍ റൂട്ടില്‍ ട്രെയിന്‍ ഗതാഗതം തടസപ്പെട്ടു.ഇതേ തുടർന്ന് ജലന്ധര്‍-ഡല്‍ഹി, അമൃത്സര്‍-ഡല്‍ഹി ഇന്റര്‍സിറ്റി, അമൃത്സര്‍- ഹരിദ്വാര്‍ ജനശതാബ്ദി, അമൃത്സര്‍-ചണ്ഡീഗഢ് സൂപ്പര്‍ഫാസ്റ്റ് എന്നീ ട്രെയിനുകൾ റദ്ധാക്കി.
Post Your Comments