വൈപ്പിന്‍ : തെരുവുനായ ബൈക്കിനു കുറുകെ ചാടിയതിനെ തുടര്‍ന്ന് തലയിടിച്ചു റോഡില്‍ വീണ ബൈക്ക് യാത്രക്കാരനായ നവവരനു ഗുരുതരമായി പരിക്കേറ്റു. ചെറായി ബീച്ചില്‍ മാളിയേക്കല്‍ നിമോഷി(32)നാണ് പരിക്കേറ്റത്. ചെറായി ബീച്ചിനു വടക്ക് കമ്പനിക്കടവിലാണ് അപകടം ഉണ്ടായത്.
നിമോഷിനെ എറണാകുളത്തെ സ്വകാര്യാശുപത്രിയില്‍ പ്രവേശിപ്പിച്ചു. ചെറായി ദേവസ്വം നടയിലെ ഓട്ടോ ഡ്രൈവറാണ് നിമോഷ്. ബൈക്കില്‍ ചെറായിയിലേക്കു വരുമ്പോള്‍ ബീച്ചില്‍ അലഞ്ഞുതിരിഞ്ഞ നായ വട്ടം ചാടുകയായിരുന്നു. തലയിടിച്ചു റോഡില്‍ വീണ് ബോധരഹിതനായ നിമോഷിനു 24 മണിക്കൂറിനുശേഷമാണ് ബോധം തെളിഞ്ഞത്. രണ്ടാഴ്ച മുമ്പായിരുന്നു നിമോഷിന്റെ വിവാഹം.
Post Your Comments