വിഴിഞ്ഞം:അന്‍പത് കാരിയായ വിദേശ വനിതയെ കടന്നുപിടിച്ച്‌ പീഡിപ്പിക്കാന്‍ ശ്രമിച്ച കൗമാരക്കാരൻ ഉള്‍പ്പടെ രണ്ടു പേരെ വിഴിഞ്ഞം പൊലീസ് അറസ്റ്റ് ചെയ്തു.മുക്കോല കുഴിപ്പളളം എ.എം ഭവനില്‍ അനു(21),കുഴിപ്പളളം സ്വദേശി ഒന്‍പതാം ക്ലാസുകാരനെയുമാണ് വിഴിഞ്ഞം പോലീസ് അറസ്റ്റ് ചെയ്തത്.വ്യാഴാഴ്ച വൈകിട്ട് മൂന്നര മണിയോടെ ചൊവ്വര ക്ഷേത്രത്തിന് സമീപത്താണ് സംഭവം.പ്രതികളെ പിടികൂടാന്‍ പൊലീസിനെ സഹായിച്ചത് ഒപ്പമുണ്ടായിരുന്ന വിദേശ വനിത മൊബൈല്‍ ക്യാമറയില്‍ പകര്‍ത്തിയ ദൃശ്യങ്ങള്‍.
സംഭവത്തെ കുറിച്ച്‌ വിഴിഞ്ഞം പൊലീസ് പറയുന്നതിങ്ങനെ, മണല്‍തീരം റിസോര്‍ട്ടിനടുത്തുനിന്ന് ചൊവ്വര ക്ഷേത്രം ഭാഗത്തേക്ക് നടന്നുവരികയായിരുന്ന വിദേശവനിതകളെ .എതിരെ ബൈക്കോടിച്ച്‌ വരികയായിരുന്ന പ്രതികള്‍ സമീപത്തുകൂടി കടന്നുപോകുന്നതിനിടയില്‍ ആക്രമിക്കുകയായിരുന്നു.പിന്‍ സിറ്റിലിരുക്കുകായായിരുന്ന കൗമാരക്കാരൻ പെട്ടന്ന് അന്‍പത് കാരിയെ കടന്ന് പിടിക്കുകയായിരുന്നു.
ഒപ്പമുണ്ടായിരുന്ന വിദേശ വനിത മൊബൈലെടുത്തു പ്രതികളുടെ ചിത്രമെടുക്കാന്‍ ശ്രമിച്ചെങ്കിലും കൃത്യമായി പതിഞ്ഞിരുന്നില്ല.പ്രതികളുടെ പിന്‍വശവമാണ് ചിത്രത്തില്‍ പതിഞ്ഞിരുന്നത്. ബൈക്കിന്റ നമ്പരും പതിഞ്ഞിരുന്നില്ല.അഞ്ച് മിനിറ്റ്‌ കഴിഞ്ഞ് ബൈക്ക് വീണ്ടും തിരിച്ച്‌ വരുന്ന ശബ്ദകേട്ട് വിദേശവനിത ക്യാമറ ഒാണ്‍ചെയ്ത് പ്രതികള്‍ അറിയാത്ത രീതിയില്‍ അവര്‍ക്ക് നേരെ തിരിച്ച്‌ പിടിക്കുകയായിരുന്നു. വിദേശികള്‍ക്ക് സമീപമെത്തിയ പ്രതികള്‍ വീണ്ടും അവരെ കടന്നുപിടിച്ചു.
അവര്‍ ഒച്ചവെച്ചതോടെ വേഗത്തില്‍ ബൈക്കോടിച്ച്‌ കടന്നുകളഞ്ഞു.അപ്രതീക്ഷിത ആക്രമത്തില്‍ ഭയന്ന വിദേശ വനിതകള്‍ തിരിച്ച്‌ ഹോട്ടലിലേക്ക് വേഗം തിരിച്ചെത്തുകയും,ഹോട്ടല്‍ ജീവനക്കാരുടെ സഹായത്തോടെ വൈകിട്ട് ഏഴ് മണിയോടെ വിഴിഞ്ഞം പോലീസില്‍ പരാതി നല്‍കുകയുമായിരുന്നു.പ്രതികളുടെ ബൈക്ക് നമ്പരും ചിത്രവും കേന്ദ്രീകരിച്ച്‌ നടത്തിയ അന്വേഷണത്തിലാണ് മണിക്കൂറുകള്‍ക്കകം പ്രതികളെ പിടികൂടാനായത്.
Post Your Comments