തിരുവനന്തപുരം● കേരള പോലീസ് ഓഫീസേഴ്‌സ് അസോസിയേഷന്‍ സംസ്ഥാന പ്രസിഡന്റായി ഡി.കെ.പ്രിഥ്വിരാജിനെ തിരഞ്ഞെടുത്തു. സി.ആര്‍. ബിജുവിനെ സംസ്ഥാന ജനറല്‍ സെക്രട്ടറിയായും പൗലോസിനെ സംസ്ഥാന ട്രഷററായും
തെരഞ്ഞെടുത്തു. തിരുവനന്തപുരം തൈക്കാട് പോലീസ് ട്രെയിനിംഗ് കോളേജില്‍ നടന്ന തിരഞ്ഞെടുപ്പിലാണ് പുതിയ സംസ്ഥാന ഭാരവാഹികളെ തെരഞ്ഞെടുത്തത്.
നിലവില്‍ തമ്പാനൂര്‍ സി.ഐയാണ് പൃഥ്വിരാജ്. നേരത്തെ ആന്റി പൈറസി സെല്ലിലും സി.ഐയായി സേവനമനുഷ്ഠിച്ചിട്ടുണ്ട്. ജനറല്‍ സെക്രട്ടറിയായി തെരഞ്ഞെടുക്കപ്പെട്ട സി.ആര്‍. ബിജു കൊച്ചി സിറ്റി അസിസ്റ്റന്റ് സബ് ഇന്‍സ്‌പെക്ടറാണ്.
എതിരില്ലാതെയാണ് സെക്രട്ടറിയും പ്രസിഡന്റുമടക്കം ഭൂരിഭാഗം സംസ്ഥാന ഭാരവാഹികളെയും തിരഞ്ഞെടുത്തത്. ദേവസ്വം വിജിലന്‍സ് സബ് ഇന്‍സ്‌പെക്ടര്‍ എസ്. പ്രശാന്ത് അടക്കം 3 സംസ്ഥാന ജോയിന്റ് സെക്രട്ടറിമാരെയും, 3 വൈസ് പ്രസിഡന്റ്മാരെയും തിരഞ്ഞെടുത്തിട്ടുണ്ട്.
Post Your Comments