റിയോ: റിയോയിൽ ഇന്ത്യയ്ക്ക് ആദ്യ മെഡല്‍. സാക്ഷി മാലിക്കാണ് ഇന്ത്യയ്ക്ക് വേണ്ടി വനിത ഗുസ്തിയില്‍ വെങ്കലം നേടിയത്. 58 കിലോ ഫ്രീസ്റ്റൈൽ ഗുസ്തിയിൽ കിര്‍ഗിസ്ഥാന്‍ താരമായ ഐസുലു ടിന്‍ബെക്കോവയെ 8-5 നു പരാജയപ്പെടുത്തിയാണ് സാക്ഷി മെഡൽ സ്വന്തമാക്കിയത്.
മത്സരത്തിന്‍റെ ആദ്യ പീരിയഡില്‍ പിന്നിലായിരുന്ന സാക്ഷി രണ്ടാം പീരിയഡിലാണ് മികച്ച മുന്നേറ്റവുമായി തിരിച്ചുവന്നത്. ആദ്യമായാണ് ഒളിംപിക്‌സില്‍ ഒരു ഇന്ത്യന്‍ വനിതാ ഗുസ്തിതാരം മെഡല്‍ നേടുന്നത്. ഹരിയാനയിലെ റോഹ്ത്തഗ് സ്വദേശിയായ സാക്ഷി മാലിക്ക് 2014ല്‍ ഗ്ലാസ്‌ഗോയില്‍ നടന്ന കോമണ്‍വെല്‍ത്ത് ഗെയിംസില്‍ സാക്ഷി വെള്ളി മെഡല്‍ നേടിയിരുന്നു.
Post Your Comments