യുഎഇയിലെ ഇന്ധനവിലയെക്കുറിച്ച് പുതിയ അറിയിപ്പ്

അബുദാബി : യുഎഇയിലെ ഇന്ധനവിലയെക്കുറിച്ച് പുതിയ അറിയിപ്പ്. യുഎഇയില്‍ ഓഗസ്റ്റ് ഒന്നുമുതല്‍ പെട്രോളിനും ഡീസലിനും വില കുറയുമെന്ന് ഊര്‍ജ മന്ത്രാലയം അറിയിച്ചു.

പെട്രോളിന് 15 ഫില്‍സും ഡീസലിന് ഒന്‍പത് ഫില്‍സുമാണ് കുറയുന്നത്. പെട്രോള്‍ സൂപ്പര്‍ 98 ലിറ്ററിന് 1.73 ദിര്‍ഹം(നിലവില്‍ 1.88 ദിര്‍ഹം), സ്‌പെഷ്യല്‍ 95ന് 1.62(1.77), ഇപ്ലസ് 91ന് 1.55(1.70) ദിര്‍ഹവുമാണ് നല്‍കേണ്ടത്. ഡീസല്‍ ലിറ്ററിന് 1.76 ആയിരിക്കും ഓഗസ്റ്റിലെ വില. ഈ മാസം ഇത് 1.85 ദിര്‍ഹമാണ്.