കോഴിക്കോട് : വടകരയില്‍ റാഗിങ്ങിനിരയായി വിദ്യാര്‍ഥിനി ജീവനൊടുക്കിയ കേസില്‍ ആറു വിദ്യാര്‍ഥികളെ അറസ്റ്റ് ചെയ്തു. മൂന്നു ആണ്‍കുട്ടികളും മൂന്നു പെണ്‍കുട്ടികളുമാണ് അറസ്റ്റിലായത്. വടകര എം.എച്ച്.ഇ.എസ് കോളജിലെ വിദ്യാര്‍ഥികളാണ് അറസ്റ്റിലായവര്‍.
ശനിയാഴ്ച വൈകിട്ടാണ് കോളജിലെ രണ്ടാംവര്‍ഷ മൈക്രോബയോളജി വിദ്യാര്‍ഥിനിയായ തോടന്നൂര്‍ സ്വദേശി തയ്യുള്ളതില്‍ ഹസ്‌നാസിനെ (19) വീട്ടിലെ കുളിമുറിയില്‍ തൂങ്ങിമരിച്ച നിലയില്‍ കണ്ടെത്തിയത്. സീനിയര്‍ വിദ്യാര്‍ഥികളോടു പേരുചോദിച്ചതിന്റെ പേരില്‍ ചില സീനിയര്‍ വിദ്യാര്‍ഥികള്‍ ഹസ്‌നാസിനെ റാഗ് ചെയ്‌തെന്നാണ് സഹപാഠികളുടെയും ബന്ധുക്കളുടെയും പരാതി. സീനിയര്‍ വിദ്യാര്‍ഥികളോടു പേരുചോദിക്കാന്‍ മാത്രമായോ എന്നുപറഞ്ഞായിരുന്നുവത്രേ ഇത്. തുടര്‍ന്ന് മാപ്പുപറയണമെന്നും ആവശ്യപ്പെട്ടു. അബദ്ധം പറ്റിയെന്നു പറയാന്‍ ഹസ്‌നാസ് തയാറായെങ്കിലും വിദ്യാര്‍ഥികള്‍ നിര്‍ബന്ധിച്ചു മാപ്പു പറയിച്ചു.
Post Your Comments