വാഷിംഗ്‌ടണ്‍ ● അമേരിക്കയില്‍ ഇന്ത്യനാപോളിസിലെ പ്രശസ്തമായ ഹിന്ദു ക്ഷേത്രത്തിന്റെ സുരക്ഷ ചുമതല വഹിക്കുന്നത് ഇസ്ലാം മതവിശ്വാസി. മഹാരാഷ്ട്ര സ്വദേശിയായ ജാവേദ് ഖാന്‍ ആണ് ക്ഷേത്രത്തിന് സുരക്ഷയൊരുക്കുന്നത്. മുംബൈയില്‍ ജനിച്ച്‌ പൂനെയില്‍ വളര്‍ന്ന ജാവേദ് ഖാന്‍ ഇന്ത്യാനാപോളിസില്‍ പോലീസുദ്യോഗസ്ഥനാണ്. നാനൂറോളം ഭക്തരാണ് ഈ ക്ഷേത്രത്തില്‍ ദര്‍ശനം നടത്തുന്നത്. ഇവരുടെയും ക്ഷേത്രത്തിന്റേയും സുരക്ഷ ഉറപ്പുവരുത്തേണ്ട ചുമതല ജവേദിനാണ്.
“നാമെല്ലാം ദൈവത്തിന്റെ മക്കളാണ്, പല പേരുകളും രൂപങ്ങളും ഉണ്ടെങ്കിലും ദൈവം ഒന്നേയുള്ളൂ.. പിന്നെ നാം എല്ലാം ഇന്ത്യക്കാരാണ്. അതുകൊണ്ടു തന്നെ എന്റെ പകുതി കുടുംബാംഗങ്ങള്‍ ഹിന്ദുക്കളാണ്” – ജാവേദിന്റെ വാക്കുകള്‍.
എന്റെ ജോലി മാത്രമാണ് ഞാന്‍ ചെയ്യുന്നത്. അതില്‍ എന്തെങ്കിലും പ്രത്യേകതയുണ്ടെന്ന് കരുതുന്നില്ല- ജാവേദ് കൂട്ടിച്ചേര്‍ക്കുന്നു.
ഈ ക്ഷേത്രത്തില്‍ പോകുമ്പോള്‍ അമേരിക്കയില്‍ ആണെന്ന് തനിക്ക് തോന്നില്ലെന്നും, ഇന്ത്യയില്‍ എത്തിയത് പോലെ തോന്നുമെന്നും ജാവേദ് പറയുന്നു.
2001 മുതല്‍ ജാവേദ് യു.എസില്‍ സ്ഥിരതാമസക്കാരനായ ജാവേദ് തായ്‌ക്കോണ്ടയില്‍ ബ്ലാക്ക് ബെല്‍റ്റ് ജോതാവായ ജാവേദ് കിക്ക് ബോക്‌സിംഗ് ചാമ്പ്യന്‍ കൂടിയാണ്.
Post Your Comments