തിരുവനന്തപുരം: ഗവർണറുടെ നയപ്രഖ്യാപനപ്രസംഗത്തിനിടെ ഉറങ്ങിയ പെരുമ്പാവൂർ എംഎൽഎ എൽദോസ് കുന്നപ്പിള്ളി എംഎല്‍എയെ സിനിമയിൽ മാത്രമല്ല ബിബിസിയിലുമെടുത്തു. എല്‍ദോയ്ക്കെതിരായ ട്രോളുകളാണ് ബിബിസിയുടെ മോസ്റ്റ് ട്രെന്‍ഡിംഗ് വിഭാഗത്തിലൂടെ ലോകശ്രദ്ധയിലെത്തിയത്.
ജൂൺ 24ന് നിയമസഭയിൽ ഗവർണർ പി സദാശിവം പ്രസംഗിക്കുന്നതിനിടെയാണ് എൽദോസ് കുന്നപ്പിള്ളിയടക്കം ചില എംഎൽഎമാർ ഉറങ്ങിയത്. ചിത്രങ്ങൾ മാധ്യമങ്ങൾ പുറത്തുവിട്ടതോടെ, സംഭവം സോഷ്യൽ മീഡിയ ഏറ്റെടുത്തു. ഇന്ത്യയൊട്ടാകെ ചർച്ചയായ എൽദോയുടെ ‘ഉറക്ക ട്രോൾ’ ഇപ്പോൾ ബിബിസിയുടെ ഏറ്റവും ചർച്ചചെയ്യപ്പെടുന്ന സംഭവങ്ങളുടെ വിഭാഗത്തിലുമെത്തി. ക്ഷീണം കൊണ്ട് ഉറങ്ങിപ്പോയതെന്ന് എൽദോയെ ന്യായീകരിച്ച വി ടി ബൽറാം എംഎൽഎയുടെ ഫേസ്ബുക്ക് പോസ്റ്റും ബിബിസി വ്യക്തമാക്കിയിട്ടുണ്ട്. തോമസ് ഐസക് അടക്കമുള്ള മന്ത്രിമാരും ഉമ്മൻചാണ്ടിയും ആര്യാടൻ മുഹമ്മദും തിരുവഞ്ചൂരുമൊക്കെ ഉറങ്ങുന്നതും ബിബിസി വിട്ടുകളഞ്ഞിട്ടില്ല.
Post Your Comments