ദുബായി: യുഎഇ ദേശീയ ടെലികോം കമ്പനിയായ എത്തിസലാത്തിന്‍റെ പുതിയ പദ്ധതി പ്രകാരം യുഎഇയില്‍ നിന്ന് ഇന്ത്യ അടക്കം നൂറ് രാജ്യങ്ങളിലേക്ക് ലോക്കല്‍ കോള്‍ നിരക്കില്‍ അന്താരാഷ്ട്ര കോളുകള്‍ ചെയ്യാം. നിശ്ചിതകാലത്തേക്ക് പ്രഖ്യാപിച്ച ഈ ഓഫര്‍ പ്രവാസികള്‍ക്ക് ഗുണം ചെയ്യും.
പ്രീപെയ്ഡ് വരിക്കാര്‍ക്ക് മാത്രമാണ് ഈ ആനുകൂല്യം. പദ്ധതിയില്‍ അംഗമാകുന്ന പ്രവാസികള്‍ക്ക് ഇന്ത്യയിലേക്ക് വിളിക്കാന്‍ മിനിറ്റിന് 36 ഫില്‍സ് നല്‍കിയാല്‍ മതി. എത്തിസലാത്ത് യു എ ഇയില്‍ ഈടാക്കുന്ന പ്രാദേശിക കോള്‍ നിരക്കായ സെക്കന്‍ഡിന് ദശാംശം ആറ് ഫില്‍സ് മാത്രം നൽകിയാൽ മതിയാകും. എന്നാല്‍ ഓരോ കോളിനും ഓരോ ദിര്‍ഹം സെറ്റപ്പ് ഫീസ് ഈടാക്കും. *141# എന്ന് ടൈപ്പ് ചെയ്ത് പദ്ധതിയില്‍ അംഗമാകാം. എത്രകാലത്തേക്കാണ് ഈ ആനുകൂല്യമെന്ന് എത്തിസലാത്ത് വ്യക്തമാക്കിയിട്ടില്ല.
Post Your Comments