അമേരിക്കയില്‍ വരുന്ന ജൂണില്‍ നടക്കുന്ന ശതാബ്ദി കോപ്പ അമേരിക്കയില്‍ പങ്കെടുക്കാനുള്ള അര്ജന്റീന ടീമിനെ പ്രഖ്യാപിച്ചു. ബൊക്ക ജൂനിയേഴ്സിന്‍റെ കാര്‍ലോസ് ടെവസ്, ജുവന്‍റസിന്‍റെ പൌളോ
ഡൈബാല എന്നീ പ്രമുഖരെ ഒഴിവാക്കിയാണ് കോച്ച് ജെറാര്‍ഡോ മാര്‍ട്ടീനോ 23-അംഗ ടീമിനെ പ്രഖ്യാപിച്ചിരിക്കുന്നത്.
1993-ന് ശേഷം തങ്ങളുടെ ആദ്യ അന്താരാഷ്‌ട്ര കിരീടം ലക്ഷ്യമിട്ടാണ് ‘ആല്‍ബി സെലസ്റ്റെ” എന്ന് ആരാധകര്‍ വിളിക്കുന്ന അര്ജന്റീന അമേരിക്കയില്‍ പന്തു തട്ടാന്‍ പോകുന്നത്. 2014-ലെ ബ്രസീല്‍
ലോകകപ്പിലും, കഴിഞ്ഞ വര്ഷം ചിലിയില്‍ വച്ചു നടന്ന കോപ്പ അമേരിക്കയിലും ഫൈനലില്‍ പരാജയം രുചിക്കേണ്ടി വന്നത് ലോകമെങ്ങുമുള്ള അര്ജന്റീന ആരാധകരെ കടുത്ത നിരാശയിലേക്ക്
തള്ളിവിട്ടിരുന്നു.
ടീം താഴെപ്പറയും പ്രകാരമാണ്:
ഗോള്‍കീപ്പര്‍മാര്‍: സെര്‍ജിയോ റൊമേറോ (മാഞ്ചെസ്റ്റര്‍ യുണൈറ്റഡ്), നഹുല്‍ ഗുസ്മാന്‍ (ടിഗ്രെസ്), മരിയാനോ അന്‍ഡുജാര്‍ (എസ്റ്റൂഡിയന്‍റസ്)
ഡിഫന്‍ഡര്‍മാര്‍: ഫാക്കുണ്ടോ റോക്കാന്‍ഗ്ലിയ (ഫിയൊറെന്‍റീന), മാര്‍ക്കോസ് റോഹോ (മാഞ്ചെസ്റ്റര്‍ യുണൈറ്റഡ്), നിക്കോളാസ് ഓട്ടമെന്‍ഡി (മാഞ്ചെസ്റ്റര്‍ സിറ്റി), റമിറോ ഫ്യൂനെസ് മോറി (ഏവര്‍ട്ടന്‍),
ഗബ്രിയേല്‍ മെര്‍ക്കാഡോ (റിവര്‍ പ്ലേറ്റ്), ജോനാഥന്‍ മൈദാന (റിവര്‍ പ്ലേറ്റ്), വിക്ടര്‍ ക്യുവെസ്റ്റ (ഇന്‍ഡിപെന്‍ഡന്‍റെ)
മിഡ്ഫീല്‍ഡേഴ്സ്: ഹാവിയര്‍ മഷെരാനോ (ബാഴ്‌സലോണ), അഗസ്റ്റോ ഫെര്‍ണാണ്ടസ് (അത്ലെറ്റിക്കോ മാഡ്രിഡ്), മത്തിയാസ് ക്രെയിന്‍വെറ്റര്‍ (അത്ലെറ്റിക്കോ മാഡ്രിഡ്), എവര്‍ ബനേഗ (സെവിയ), ലൂക്കാസ്
ബിഗ്ലിയ (ലാസിയോ), എറിക് ലമേല (ടോട്ടന്‍ഹാം), ഹാവിയര്‍ പസ്റ്റോറെ (പാരീസ് സെന്‍റ് ജെര്‍മ്മന്‍)
ഫോര്‍വേഡുകള്‍: ലയണല്‍ മെസ്സി (ബാഴ്‌സലോണ), ഗോണ്‍സാലോ ഹിഗ്വെയ്ന്‍ (നാപ്പോളി), സെര്‍ജിയോ അഗ്യൂറോ (മാഞ്ചെസ്റ്റര്‍ സിറ്റി), ആംഗല്‍ ഡി മരിയ (പാരീസ് സെന്‍റ് ജെര്‍മ്മന്‍), നിക്കോളാസ്
ഗയ്റ്റാന്‍ (ബെന്‍ഫിക്ക), എസെക്വിയല്‍ ലാവേസി (ഹെബെയ് ഫോര്‍ച്യൂണ്‍)
Post Your Comments