തിരുവനന്തപുരം : അന്‍പതോളം സീറ്റുകളില്‍ എന്‍.ഡിഎ സഖ്യം ജയത്തിലേക്ക് നീങ്ങുന്നയാണെന്ന് ബി.ജെ.ഡി.എസ് അഖിലേന്ത്യാ അധ്യക്ഷന്‍ തുഷാര്‍ വെള്ളാപ്പള്ളി. ഈ തിരിച്ചറിവില്‍ ഇടതുവലതു മുന്നണികള്‍ വ്യാജ വാര്‍ത്തകള്‍ സൃഷ്ടിച്ച് പ്രവര്‍ത്തകര്‍ക്കിടയില്‍ ആശയക്കുഴപ്പം ഉണ്ടാക്കാന്‍ ശ്രമിക്കുകയാണെന്നും തുഷാര്‍ ഫേസ്ബുക്ക്‌ പോസ്റ്റില്‍ ആരോപിച്ചു. ബി.ജെ.പി-ബി.ഡി.ജെ.എസ് ബന്ധം സുദൃഡമാണെന്നും അദ്ദേഹം വ്യക്തമാക്കി.
തുഷാര്‍ വെള്ളാപ്പള്ളിയുടെ ഫേസ്ബുക്ക്‌ പോസ്റ്റിന്റെ പൂര്‍ണരൂപം
കേരളം ഇന്നേവരെ കണ്ടിട്ടില്ലാത്ത രീതിയിലുള്ള ചരിത്ര മുന്നേറ്റമാണ് ഈ ഇലക്ഷനില്‍ ഉണ്ടായത്. ബി.ജെ.പി,ബി.ഡി.ജെ.എസ് പ്രവര്‍ത്തകര്‍ ഒരേ മനസ്സോടെ നടത്തിയ പ്രചാരണത്തിന്‍റെ പരിസമാപ്തിയിലെത്തിയപ്പോള്‍ അന്‍പതോളം സീറ്റുകളില്‍ എന്‍.ഡി്എ സഖ്യം ജയത്തിലേക്ക് നീങ്ങുന്ന തിരിച്ചറിവാണ് ഇടത് വലത് മുന്നണികള്‍ വ്യാജ വാര്‍ത്തകള്‍ സൃഷ്ടിച്ച് പ്രവര്‍ത്തകര്‍ക്കിടയില്‍ ആശയക്കുഴപ്പം ഉണ്ടാക്കാന്‍ ശ്രമിക്കുന്നതിലൂടെ ലക്ഷ്യം വെയ്ക്കുന്നത്.ഇത്തരം വ്യാജ പ്രചരണത്തിന് പിന്നാലെ പോകാതെ 140 മണ്ഡലങ്ങളിലെയും ബി.ജെ.പി,ബി.ഡി്ജെ.എസ് സ്ഥാനാര്‍ത്ഥികളെയും വിജയിപ്പിച്ചെടുക്കേണ്ട ധാര്‍മ്മിക ഉത്തരാവിദിത്വം ഞാനുള്‍പ്പെടെയുള്ള നമുക്കോരോരുത്തര്‍ക്കും ഉണ്ട്.അതിന്‍റെ പ്രവര്‍ത്തനം വളരെ നല്ല രീതിയിലാണ് മുന്നേറുന്നത്.ശൈശവ ദശയിലുള്ള ബി.ഡി.ജെ.എസ് പാര്‍ട്ടിയെ സ്വന്തം പാര്‍ട്ടിയെ പോലെ സ്വീകരിച്ച് നല്ല മല്‍സരം കാഴ്ച വെക്കത്തക്ക രീതിയില്‍ ബി.ഡി.ജെ.എസ് സ്ഥാനാര്‍ത്ഥികളെ എത്തിച്ചതില്‍ ബി.ജെ.പി പ്രവര്‍ത്തകരോടും നേതാക്കളോടുമുള്ള അകമഴിഞ്ഞ നന്ദി ഈ അവസരത്തില്‍ അറിയിക്കുന്നു.അതോടൊപ്പം എല്ലാ ബി.ഡി.ജെ.എസ് പ്രവര്‍ത്തകരും ഒരമ്മപെറ്റ മക്കളെ പോലെ പ്രവര്‍ത്തിച്ച് എന്‍.ഡി.എ മുന്നണിയെ ഒരു വന്‍ വിജയത്തിലെത്തിക്കണമെന്നും ഞാന്‍ ആഹ്വാനം ചെയ്യുന്നു
Post Your Comments