വര്‍ക്കല ● തിരുവനന്തപുരം വര്‍ക്കലയില്‍ ദളിത്‌ നഴ്സിംഗ് വിദ്യാര്‍ത്ഥിനി കൂട്ടബലാത്സംഗത്തിനിരയായി. വര്‍ക്കല മെഡിക്കല്‍ മിഷനിലെ വിദ്യാര്‍ത്ഥിനിയെയാണ് കാമുകനും സംഘവും ചേര്‍ന്ന് കൂട്ടബലാത്സംഗത്തിനിരയാക്കിയത്. വര്‍ക്കല അയന്തിക്ക് സമീപം റെയില്‍വേ ട്രാക്കിനു സമീപം ഓട്ടോയിലാണ് പെണ്‍കുട്ടിയെ അബോധാവസ്ഥയില്‍ പെണ്‍കുട്ടിയെ നാട്ടുകാര്‍ കണ്ടെത്തിയത്. മൂന്നംഗ സംഘമാണ് ബലാത്സംഗത്തിന് ഇരയാക്കിയതെന്ന് പെണ്‍കുട്ടി പൊലീസിനോട് പറഞ്ഞു.
പെണ്‍കുട്ടി ഇപ്പോള്‍ ആശുപ്രതിയില്‍ ചികിത്സയിലാണ്. പെണ്‍കുട്ടി ഒരു ഓട്ടോ ഡ്രൈവറുമായി പ്രണയത്തിലായിരുന്നുവെന്ന് പോലീസ് പറഞ്ഞു. ഇവര്‍ ഓട്ടോയില്‍ കറങ്ങാന്‍ പോകാറുണ്ടായിരുന്നു. കാമുകനും സുഹൃത്തുക്കളും ചേര്‍ന്ന് ഓട്ടോറിക്ഷയില്‍ വച്ചാണ് പെണ്‍കുട്ടിയെ പീഡനത്തിനു ഇരയാക്കിയാതെന്നും വര്‍ക്കല പോലീസ് പറഞ്ഞു. പ്രതികള്‍ക്കായി പോലീസ് അന്വേഷണം ഊര്‍ജ്ജിതമാക്കി.
Post Your Comments