വില്‍മിംഗ്ടണ്‍ : അമേരിക്കയിലെ വില്‍മിംഗ്ടണിലെ സ്കൂളില്‍ വ്യാഴാഴ്ച രാവിലെയാണ് സംഭവം. സ്‌കുളിലെ തന്നെ ഒരു ആണ്‍കുട്ടിയെ ചൊല്ലി പെണ്‍കുട്ടികള്‍ തമ്മില്‍ തല്ലുകയായിരുന്നു. സ്‌കൂള്‍ ബാത്‌റൂമില്‍ വച്ചുണ്ടായ തല്ലില്‍ 16 കാരിയായ പെണ്‍കുട്ടിയാണു മരിച്ചത്‌. മരണമടഞ്ഞ പെണ്‍കുട്ടി ബാത്‌റൂമില്‍ എത്തിയ മറ്റൊരു പെണ്‍കുട്ടിയുമായി വാക്കു തര്‍ക്കത്തില്‍ ഏര്‍പ്പെടുകയും ഇതു സംഘര്‍ഷത്തില്‍ കലാശിക്കുകയുമായിരുന്നു.
ഇതുകണ്ടുവന്ന രണ്ടമത്തെ പെണ്‍കുട്ടിയുടെ സുഹൃത്തുക്കള്‍ കൂട്ടത്തോടെ ആദ്യത്തെ പെണ്‍കുട്ടിയെ ആക്രമിക്കുകയായിരുന്നു. അതീവഗുരുതരമായി പരിക്കേറ്റ പെണ്‍കുട്ടിയെ ഹെലികോപ്‌റ്റര്‍ മാര്‍ഗം ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മരിച്ച പെണ്‍കുട്ടിയുടെ പേരുവിവരങ്ങള്‍ അധികൃതര്‍ പുറത്തുവിട്ടിട്ടില്ല.
Post Your Comments