ലണ്ടന്‍: ഓഡി കാറില്‍ സഞ്ചരിക്കുന്ന യാചകന് വധഭീഷണി. ഇയാള്‍ തന്നെയാണ് പരാതിയുമായി പോലീസിനെ സമീപിച്ചത്. ഓഡി കാറില്‍ സഞ്ചരിക്കുന്ന ഇയാളുടെ ദൃശ്യങ്ങള്‍ പുറത്തുവന്നതിനെ തുടര്‍ന്നാണ് വധഭീഷണി ഉണ്ടായിരിക്കുന്നത്.
ബ്രിന്നനിലെ കോണ്‍വാള്‍ നഗരത്തിലാണ് സംഭവം. ഇവിടത്തെ ന്യൂ ക്വേയിലെ യാചകനായ മാത്യു ബ്രിറ്റ്‌റണ്‍ ആണ് പരാതിയുമായി പോലീസിനെ സമീപിച്ചത്. ഓഡി കാറില്‍ യാചകന് സഞ്ചരിക്കുന്ന വീഡിയോ സോഷ്യല്‍ മീഡിയയില്‍ വൈറലായതിനെത്തുടര്‍ന്ന് നിരവധി പേരാണ് ഇയാള്‍ക്കെതിരെ രംഗത്ത് വന്നത്.
കാര്‍ തനിക്ക് മുത്തശ്ശി തന്നതാണെന്നും വീഡിയോ പുറത്തായതോടെ ജോലിയെടുത്ത് ജീവിക്കാന്‍ വയ്യാതായെന്നും ഇയാള്‍ പറയുന്നു. താനിപ്പോള്‍ പട്ടിണിയിലാണെന്നും യാചകന് പറയുന്നു.
Post Your Comments