ദുബൈ: യെമനിൽ ഹൂതി വിമതരുടെ ആക്രമണത്തിൽ യുഎഇ സൈനികൻ കൊല്ലപ്പെട്ടു. റാസ് അൽ ഖൈമയിലെ അൽ ഷാം സ്വദേശി അബ്ദുള്ള ജുമാ ഹസ്സൻ അൽ ഷംസി ലഖാതരിയാണ് ദൗത്യനിർവഹണത്തിനിടെ വീരമൃത്യ വരിച്ചത്. മറ്റൊരു സൈനികനു പരുക്കേറ്റു. യെമനിൽ ഹൂതികൾക്കെതിരായ പോരാട്ടത്തിൾ പങ്കെടുക്കുന്ന യുഎഇയുടെ രണ്ടാമത്തെ കരസേനാ സംഘത്തിൾ ഉൾപ്പെട്ട 21കാരനായ അബ്ദുള്ള രണ്ട് മാസം മുൻപ്‌ വിവാഹമുറപ്പിച്ച ശേഷമാണ് യുദ്ധമുഖത്തേയ്ക്ക് യാത്രയായത്. സൗദിയുടെ നേതൃത്വത്തിൽ യെമനിലുള്ള അറബ് സഖ്യസേനയുടെ ഭാഗമായാണ് യുഎഇ സൈനികർ പ്രവർത്തിക്കുന്നത്. ഇതുവരെ 70ലേറെ യുഎഇ സൈനികർ യെമനിൽ വീരമൃത്യു വരിച്ചിട്ടുണ്ട്.
Post Your Comments