എന്തുകൊണ്ട് ടീം ഇന്ത്യയുടെ കോച്ചാകുന്നില്ല? ഗാംഗുലിയുടെ മറുപടി

ബി സി സി ഐ അധ്യക്ഷസ്ഥാനം ലക്ഷ്യം വയ്ക്കുന്നുണ്ടോ എന്ന ചോദ്യത്തിന് ജീവിതത്തില്‍ ഒന്നിനുള്ള സാധ്യതയും എഴുതിത്തള്ളാത്ത ആളാണ് താനെന്നും നാളെയെ കുറിച്ച് കൂടുതല്‍ ആശങ്കകള്‍ വച്ചു പുലര്‍ത്തുന്നില്ലെന്നുമായിരുന്നു ഗാംഗുലിയുടെ ഉത്തരം. ഇപ്പോള്‍ തന്നിലേല്‍പ്പിച്ചിരിക്കുന്ന ജോലി വൃത്തിയായി ചെയ്യുന്നതിലാണ് ശ്രദ്ധയെന്നും ദാദ കൂട്ടിച്ചേര്‍ത്തു.

പ്രതിസന്ധി ഘട്ടങ്ങള്‍ ലാഘവത്തോടെ കൈകാര്യം ചെയ്യാനുള്ള ഇന്ത്യന്‍ നായകന്‍ എം എസ് ധോണിയുടെ കഴിവിനെ ഗാംഗുലി പ്രശംസിച്ചു. മനസ്സിലുള്ള പ്രയാസങ്ങള്‍ അദ്ദേഹം മുഖത്ത് കാണിക്കില്ലെന്നും, ഏതു സാഹചര്യത്തിലും ശാന്തനാണ് മഹിയെന്നും ദാദ അഭിപ്രായപ്പെട്ടു. ഡ്രസ്സിങ്ങ് റൂമില്‍ അദ്ദേഹത്തിനു ലഭിക്കുന്ന സ്വീകാര്യത ചെറുതല്ലെന്നും ഗാംഗുലി കൂട്ടിച്ചേര്‍ത്തു.