ട്രംപിനെതിരെ ആഞ്ഞടിച്ച് സൗദി രാജകുമാരന്‍

യു.എസ്. പ്രസിഡന്‍റ് സ്ഥാനാര്‍ഥി ഡൊണാള്‍ഡ് ട്രംപും സൌദി രാജകുമാരന്‍ അല്‍-വലീദ് ബിന്‍ തലാലും തമ്മിലുള്ള ട്വിറ്റര്‍ പോര് രൂക്ഷമാകുന്നു.

പാപ്പരാകുന്നതില്‍ നിന്ന് രണ്ട് തവണ ട്രംപിനെ താന്‍ രക്ഷപ്പെടുത്തിയിട്ടുണ്ടെന്നും മൂന്നാമതും തന്റെ സഹായം വേണ്ടി വന്നേക്കുമെന്നും സൗദി രാജകുമാരന്‍ ട്വിറ്ററില്‍ കുറിച്ചു.

Trump:You base your statements on photoshopped pics?I bailed you out twice;a 3rd time,maybe?https://t.co/Raco0mvusp https://t.co/jStBl7Ghia

— الوليد بن طلال (@Alwaleed_Talal) January 28, 2016

ട്രംപ് കഴിഞ്ഞ ദിവസം അല്‍-വലീദും , ഫോക്സ് ന്യൂസ് അവതാരക മേയ്ഗന്‍ കെല്ലിയും ഒന്നിച്ചു നില്‍ക്കുന്ന ‘ഫോട്ടോഷോപ്പ് ‘ ചിത്രം ട്വിറ്ററില്‍ പോസ്റ്റ്‌ ചെയ്ത ശേഷം, അല്‍-വലീദിനെ ഫോക്സ് നെറ്റ്വര്‍ക്കിന്റെ സഹസ്ഥാപകന്‍ എന്ന് വിശേഷിപ്പിച്ചിരുന്നു. ഇതാണ് രാജകുമാരനെ ചൊടിപ്പിച്ചത്.

കിങ്ങ്ഡം ഹോള്‍ഡിംഗിന്റെ സ്ഥാപനകനും സിറ്റി ഗ്രൂപ്പിന്റെ ഏറ്റവും വലിയ വ്യക്തിഗത ഓഹരിയുടമയുമാണ്‌ അല്‍-വലീദ്.

“@BradCross4: @Drudge_Report_ @realDonaldTrump pic.twitter.com/Ur1qgG291Z“

— Donald J. Trump (@realDonaldTrump) January 28, 2016

നേരത്തെ മുസ്ലിങ്ങളെ അമേരിക്കയില്‍ നിന്ന് പുറത്താക്കണമെന്ന ട്രംപിന്റെ പ്രസ്താവനയ്ക്കെതിരെയും അല്‍-വലീദ് രംഗത്തെത്തിയിരുന്നു. ഡൊണാള്‍ഡ് റിപ്പബ്ലിക്കന്‍ പാര്‍ട്ടിയ്ക്ക് മാത്രമല്ല അമേരിക്കയ്ക്ക് തന്നെ അപമാനമാണെന്നും യു.എസ് പ്രസിഡന്‍ഷ്യല്‍ തെരഞ്ഞെടുപ്പില്‍ വിജയിക്കാന്‍ പോകുന്നില്ലെന്നും അതിനാല്‍ മത്സരത്തില്‍ നിന്നും ട്രംപ് പിന്‍മാറാണമെന്നും അല്‍-വലീദ് ട്വിറ്ററില്‍ പറഞ്ഞിരുന്നു.

ഇതിനോട് ട്രംപ് പ്രതികരിച്ചത് ഇങ്ങനെയായിരുന്നു. വിഡ്ഢിയായ രാജകുമാരന്‍ തന്റെ പിതാവിന്റെ പണമുപയോഗിച്ച് അമേരിക്കന്‍ രാഷ്ട്രീയക്കാരെ നിയന്ത്രിക്കാന്‍ ശ്രമിക്കുകയാണെന്നും എന്നാല്‍ താന്‍ തെരെഞ്ഞെടുക്കപ്പെട്ടാല്‍ അത് നടക്കില്ലെന്നും ട്രംപ് തിരിച്ചടിച്ചു.