കൊച്ചി: ഇന്ത്യയില്‍ വെച്ച് തന്നെ സൗദി അറേബ്യയിലേക്കുള്ള വിസ പുതുക്കാന്‍ അവസരം വരുന്നു. കാലാവധി കഴിഞ്ഞ റീ എന്‍ട്രി വിസ സൗദിയിലെ സര്‍ക്കാര്‍സ്വകാര്യ മേഖലകളിലെ എല്ലാ വിദേശ ജോലിക്കാര്‍ക്കും അവരുടെ ആശ്രിതര്‍ക്കും നാട്ടില്‍ തന്നെ പുതുക്കാനുള്ള അവസരമാണ് ഒരുക്കുന്നത്. ഉടന്‍ തന്നെ ഇതിനായുളള പുതിയ നിയമം പ്രാബല്യത്തില്‍ വരും.
സൗദി വിദേശകാര്യ മന്ത്രാലയം കഴിഞ്ഞ മാസം ഇതിനുള്ള പ്രത്യേക നിര്‍ദ്ദേശം പുറപ്പെടുവിച്ചിരുന്നു. വിസ പുതുക്കുന്നത് ഇന്ത്യയിലെ സൗദി എംബസിയിലെ കോണ്‍സുലര്‍ സേവനകേന്ദ്രം വഴിയാകും. ഈ സൗകര്യം ഉപയോഗപ്പെടുത്താന്‍ കഴിയുന്നത് ഏഴ് മാസത്തിലധികം നാട്ടില്‍ ചെലവഴിക്കാത്ത ജോലിക്കാര്‍ക്കാണ്. ഒരു വര്‍ഷത്തെ കാലാവധിയാണ് ആശ്രിതര്‍ക്ക് നിശ്ചയിച്ചിട്ടുള്ളത്.
സൗദി വിദേശമന്ത്രാലയം, ചേംബര്‍ കൗണ്‍സില്‍ എന്നിവ സാക്ഷ്യപ്പെടുത്തിയ സ്ഥാപനങ്ങളുടെ കത്ത് ഇന്ത്യയില്‍ തന്നെ വിസ പുതുക്കുന്ന അവസരത്തില്‍ ഹാജരാക്കണം. അപേക്ഷയോടൊപ്പം റസിഡന്റ് പെര്‍മിറ്റിന്റെ പകര്‍പ്പും നല്‍കണം. സൗദി വിദേശകാര്യ മന്ത്രാലയം അറിയിച്ചിരിക്കുന്നത് സ്‌പോണ്‍സറുടെ വിശദാംശങ്ങളടക്കമുള്ള കാര്യങ്ങളും അപേക്ഷയോടൊപ്പം നല്‍കിയാല്‍ ഇന്ത്യയില്‍ തന്നെ റീ എന്‍ട്രി വിസ പുതുക്കാനാകുമെന്നാണ്.
Post Your Comments