കൊല്ലം : മത്സരത്തിനിടെ വിധികര്‍ത്താക്കള്‍ ഉറങ്ങിയതിനെ തുടര്‍ന്ന് റവന്യൂ ജില്ലാ സ്‌കൂള്‍ കലോത്സവത്തില്‍ സംഘര്‍ഷം. കൊല്ലം റവന്യൂ ജില്ലാ കലോത്സവത്തില്‍ ഹൈസക്ൂള്‍ വിഭാഗത്തിന്റെ നാടകമത്സരത്തിലാണ് വിധികര്‍ത്താക്കള്‍ ഉറങ്ങിയതായി ആരോപണം ഉയര്‍ന്നത്.
വേദി നാലില്‍ നടന്ന നാടക മത്സരത്തിന്റെ വിധികര്‍ത്താക്കളാണ് മത്സരത്തിനിടയില്‍ ഉറങ്ങിയത്. മത്സരത്തിനൊടുവില്‍ എല്ലാ നാടകങ്ങളെക്കുറിച്ചുമുള്ള വിലയിരുത്തലുകള്‍ പറയണമെന്ന് സദസ്സില്‍ നിന്ന് ആവശ്യമുയര്‍ന്നു. വിധികര്‍ത്താക്കള്‍ ഇതിന് തയ്യാറാകാതിരുന്നതോടെ സംഘര്‍ഷമാവുകയായിരുന്നു. വിധികര്‍ത്താക്കള്‍ ഉറക്കമായിരുന്നെന്നാണ് മത്സരാര്‍ത്ഥികളും ഇവര്‍ക്കൊപ്പമുള്ള അധ്യാപകരും പറയുന്നത്.
സംഘര്‍ഷത്തെ തുടര്‍ന്ന് പ്രാക്കുളം എന്‍.എസ്.എസ് സ്‌കൂളില്‍ നിന്നു വന്ന നാടകാധ്യാപകന്‍ ഗണമൂര്‍ത്തിയെ പോലീസ് പിടിച്ചുകൊണ്ട് പോയതോടെ കുട്ടികളും അധ്യാപകരും പ്രതിഷേധവുമായി പോലീസ് സ്‌റ്റേഷന് മുന്നില്‍ കുത്തിയിരുന്നു. വിധികര്‍ത്താക്കള്‍ മദ്യപിച്ചിരുന്നതായും അധ്യാപകര്‍ ആരോപിച്ചു. ഇവരെ വൈദ്യ പരിശോധനയ്ക്ക് വിധേയമാക്കണമെന്നും വിദ്യാര്‍ത്ഥികള്‍ ആവശ്യപ്പെട്ടു.
Post Your Comments