തൃശൂരില്‍ ആര്? ഏറ്റവും പുതിയ സര്‍വേ ഫലം പറയുന്നത് 

തൃശൂര്‍•സൂപ്പര്‍ സ്റ്റാര്‍ സുരേഷ് ഗോപിയുടെ രംഗ പ്രവേശനത്തോടെ പ്രവചനാതീതമായി മാറിയ തൃശൂര്‍ മണ്ഡലത്തില്‍ യു.ഡി.എഫിനെന്ന് അഭിപ്രായ സര്‍വേ. 24 ന്യൂസ് പുറത്തുവിട്ട സര്‍വേ പ്രകാരം യു.ഡി.എഫ് സ്ഥാനാര്‍ത്ഥി ടി.എന്‍ പ്രതാപന്‍ 40% വോട്ടുകള്‍ നേടി വിജയിക്കും. എല്‍.ഡി.എഫ് സ്ഥാനാര്‍ത്ഥി രാജാജി മാത്യുവിന് 32% വോട്ട് വിഹിതവും എന്‍.ഡി.എ സ്ഥാനാര്‍ത്ഥി സുരേഷ് ഗോപിക്ക് 23% വോട്ടുകളും ലഭിക്കും. ഇവിടെ 5% വോട്ടുകള്‍ പ്രവചനാതീതമാണെന്നും സര്‍വേ പറയുന്നു.

6,21748 പുരുഷ വോട്ടര്‍മാരും 6,71984 സ്ത്രീ വോട്ടര്‍മാരും 12 തേര്‍ഡ് ജെന്‍ഡര്‍ വോട്ടര്‍മാരുമടക്കം 12,93,744 വോട്ടര്‍മാരാണ് തൃശൂര്‍ ലോക്സഭാ മണ്ഡലത്തിലുള്ളത്.