റീപോളിംഗ് ; കൂടുതൽ പരിശോധന വേണമെന്ന് സിപിഎം

തിരുവനന്തപുരം : ലോക്‌സഭാ തെരഞ്ഞെടുപ്പിൽ കള്ളവോട്ട് നടന്ന കാസർകോട് മണ്ഢലത്തിൽ റീപോളിംഗ് നടത്താനിരിക്കെ കൂടുതൽ പരിശോധന വേണമെന്ന് സിപിഎം ആവശ്യപ്പെട്ടു.കള്ളവോട്ട് പരാതി ഉയർന്ന എല്ലാ ബൂത്തുകളിലും പരിശോധന വേണമെന്ന് സിപിഎം വ്യക്തമാക്കി.

അതേസമയം കാസർകോട് മണ്ഡലത്തിലെ കല്യാശ്ശേരി,പയ്യന്നൂർ നിയമസഭാ മണ്ഡലങ്ങളിലെ ബൂത്തുകളിലാണ് റീപോളിംഗ് നടത്തുക..കല്യാശ്ശേരിയിലെ 19,69,70 നമ്പർ ബൂത്തുകളിലും പയ്യന്നൂരിലെ 48ാംമത് ബൂത്തിലുമാണ് റീപോളിംഗ് നടത്തുന്നത്.റീപോളിംഗ് സംബന്ധിച്ച് തെരഞ്ഞെടുപ്പ് കമ്മീഷൻ ഇന്ന് പ്രഖ്യാപനം നടത്തും.

എന്നാൽ എൽ‍ഡിഎഫ് 42 കള്ളവോട്ട് കൂടി ചെയ്തതായി യുഡിഎഫിന്റെ മുഖ്യതിരഞ്ഞെടുപ്പ് ഏജന്റ് കെ.സുരേന്ദ്രൻ കഴിഞ്ഞ ദിവസം എഡിഎമ്മിനു പരാതി നൽകിയിരുന്നു. ഇതിൽ 31 ആൾമാറാട്ടവോട്ടും 10 ഇരട്ട വോട്ടുമുണ്ട്. തളിപ്പറമ്പ് മണ്ഡലത്തിൽ ഒരാ‍ൾക്കു പ്രായപരിധി മാനദണ്ഡം ലംഘിച്ചു വോട്ടവകാശം നൽകിയെന്നും പരാതി നൽകി. ഇതുവരെ 242 കള്ളവോട്ടിനെക്കുറിച്ചുള്ള പരാതികളാണു യുഡിഎഫ് നൽകിയത്.